影片
更多
2019-09-01
66 浏览
早几日黎到尖沙咀，由于仲有时间，因为下场嘅节目未开始 ，所以师傅决定揾啲嘢食 。呢期都系以车仔面为主，位处老尖除左永年外，真系谂唔到仲有边间。左谂右谂忽然间记起呢一间食店，其实之前已经试过一次，不过印像都系麻麻地，但系既然讲得要写车仔面食评，所以一于要入去试多一次，当比个机会佢又比个机会师傅，于是乎胆粗粗又走入去食返餐。入到去人又唔多，好容易就揾到个位，坐低即刻攞张纸出黎，望下有乜嘢好食。师傅谂咗一阵，就拣左油面再，𩠌就拣左猪红，猪皮，猪肠，辣鱿鱼，牛筋同埋萝卜，六个𩠌，再加左个秘制辣汁同腩汁，就将张餐单交比侍应。等咗一阵，碗车仔面就放左喺师傅面前，第一口当然系先至个汤底，汤底就香香甜甜，都算几吸引，至于佢𠮶个秘制辣汁，份量精致到放少少喺只匙羹度，食落又冇特别，味道唔香唔辣，师傅真系食唔出点样秘制，唔算特别。再睇佢啲𩠌嘅份量都比较少，每款都系得两至三件到，坦白讲仲份量都令人几失望。先讲下个猪红，猪红细细粒，四四方方，入口味道一般，唔算入味，口感普通，最衰系一夹就散，失败。猪皮入口唔算爽，属于偏腍，坦白讲真系唔吸引，唯一可取系比较大块，但都不足以令师傅加分。萝卜得两大件，其实都唔算好大件
左谂右谂忽然间记起呢一间食店，其实之前已经试过一次，不过印像都系麻麻地，但系既然讲得要写车仔面食评，所以一于要入去试多一次，当比个机会佢又比个机会师傅，于是乎胆粗粗又走入去食返餐。
入到去人又唔多，好容易就揾到个位，坐低即刻攞张纸出黎，望下有乜嘢好食。师傅谂咗一阵，就拣左油面再，𩠌就拣左猪红，猪皮，猪肠，辣鱿鱼，牛筋同埋萝卜，六个𩠌，再加左个秘制辣汁同腩汁，就将张餐单交比侍应。
等咗一阵，碗车仔面就放左喺师傅面前，第一口当然系先至个汤底，汤底就香香甜甜，都算几吸引，至于佢𠮶个秘制辣汁，份量精致到放少少喺只匙羹度，食落又冇特别，味道唔香唔辣，师傅真系食唔出点样秘制，唔算特别。
再睇佢啲𩠌嘅份量都比较少，每款都系得两至三件到，坦白讲仲份量都令人几失望。先讲下个猪红，猪红细细粒，四四方方，入口味道一般，唔算入味，口感普通，最衰系一夹就散，失败。
猪皮入口唔算爽，属于偏腍，坦白讲真系唔吸引，唯一可取系比较大块，但都不足以令师傅加分。萝卜得两大件，其实都唔算好大件嘅，入口都算清甜，冇渣但未算好冧腍，勉强可以接受。猪肠属于比较肥嘅，系师傅喜爱𠮶一款，加上佢炆得都几腍，入口好味，猪肠暂时算系咁多款𩠌中比较对办嘅一种。牛筋就普普通通，话腍唔腍话硬唔硬，𠮶个口感亦都唔够黏口，所以都系普通。
最后试埋𠮶个辣鱿鱼，呢个辣鱿鱼反而有啲料到，因为个辣味好惹味，好抢口，鱿鱼本身都好爽，好好咬好，正整体水准不俗，绝对系必食推介。最后油面好普通，冇特别，师傅净系觉得自己食紧碗面。
总括嚟讲食物水准一般，并没有什么惊喜，环境清洁干净，服务亦都算可以，系价钱偏贵 ，64蚊六个送一个面底，本来价钱可以接受，但系份量著实太少，所以算系贵𠮶种。今时今日同区有永年喺度，师傅都戥佢难做，因为水准唔算好得，又唔算话好出位，价钱又唔算话好抵，所以师傅再黎机会不大，笑脸唔会比，不过真系几like佢个辣鱿鱼。食店虽然有饭食，但黎呢度食饭，玩咩!
$64
2 浏览
0 赞好
0 留言
张贴
