養心殿台式養生鍋 (已結業)

近排想食D高质嘅火锅，朋友就即刻推介我去食"养心殿"。我见地点好方便，喺正港铁将军澳站连接嘅商场楼上，就同男友嚟食。除咗交通方便，店内亦好宽敞，全部都系长方形嘅木枱木椅，坐得好舒服。酱汁有多种选择，我只系拣咗酱油，再加蒜汁和辣椒，已经好好味。汤底: 我地叫咗姜毌鸭&养生鸳鸯锅。用料充足，姜毌鸭锅入面除咗鸭肉和姜之外，仲有笋、马蹄、蜂巢豆腐和腐皮。蜂巢豆腐充份吸晒D汤汁，更有阵阵嘅当归味，真系好正。而养生锅𠮶面就散发住清新嘅人参味，再加上 红枣、龙眼肉、蜂巢豆腐和猪红等，既清且甜，两个汤底都好味。食物: 我地2个人，叫咗龙趸、手切牛肉、手工丸类拼盘&自家制水饺。整体质数都唔错，物有所值。服务员姐姐全程都表现得细心兼和善，冲完茶之后会提醒客人小心滚水，又经常保持笑容，值得一赞。