滿樂潮州 (美麗華廣場1期) (已結業)

已经有一段时间冇去饮茶，今日就约咗朋友去美丽华满乐潮州试潮式茶点。我哋今次点咗百乐鲜虾饺、鲜虾滑肠粉、蜜汁叉烧包同埋姜葱鹅肉捞面。虾饺超大粒饱满，而个皮又薄，虾嘅鲜味十足。鲜虾肠粉嘅肠粉就好嫩滑，点买秘制酱油食绝对一流。叉烧包就有好香浓嘅蜜汁叉烧响入面，而且热辣辣个包又松软。而最值得一提系姜葱鹅肉面，鹅肉超大块而且唔肥，鹅味十足，加埋姜葱、白醋捞面，每一啖都有唔同嘅口感，最后要提既系个潮州茶，好有茶味我好钟意。