影片
更多
2021-12-09
188 浏览
圣诞月，大家谂好去边到食圣诞大餐未呢~ 今次再访乐富𝙂𝙊𝘾𝙃𝙄，发现佢创作左多款新菜式，估唔到啲圣诞限定推介 又几有惊喜㖞！支姜饼气泡饮造型超得意！系圣诞嘅感觉呀𝙂𝙊𝘾𝙃𝙄 好欢迎单身寡佬自己黎庆祝！Christmas Menu 除左二人四人套餐之外，仲有🕴🏻一人套餐添。二人套餐 $628面包 + 2款头盘 + 2款主菜 + 2杯饮品(可追加甜品)𝒮𝓉𝒶𝓇𝓉𝑒𝓇▪️和牛西冷配秘制红酒汁 +$80前菜都有和牛西冷食！和牛西冷呈粉嫩嘅红色，肉汁成功被锁住。肉质软嫩有弹性，一啲都唔韧，牛肉味又几重㖞，就咁蘸盐食已经唔错~ 略嫌有少少筋。旁边仲有一大堆火箭菜同爽弹多汁嘅蘑菇，包你吸取到纤维。▪️带子牛油果他他沙律被朋友誉为碎蛋沙律口味嘅牛油果他他 就唔太岩我地嘅口味。不过牛油果软滑质素唔错，带子软嫩，略嫌酱汁味道偏重，容易盖过带子鲜味。ℳ𝒶𝒾𝓃 𝒞𝑜𝓊𝓇𝓈𝑒▪️松叶蟹肉海鲜手拉薄饼 +$50手拉薄饼有一定厚度，属于薄嘅厚批?! 唔系充满空气感个种，几烟韧有嚼劲，又唔会过于扎实，边边位仲几脆添！馅料份量十足！有齐带子bb、虾仁、鱿鱼、松叶蟹。海鲜意外地唔会焗到好干，虾仁超爽弹，鱿鱼又唔韧。唯独手拉薄饼
𝙂𝙊𝘾𝙃𝙄 好欢迎单身寡佬自己黎庆祝！Christmas Menu 除左二人四人套餐之外，仲有🕴🏻一人套餐添。
二人套餐 $628
面包 + 2款头盘 + 2款主菜 + 2杯饮品
(可追加甜品)
𝒮𝓉𝒶𝓇𝓉𝑒𝓇
▪️和牛西冷配秘制红酒汁 +$80
前菜都有和牛西冷食！和牛西冷呈粉嫩嘅红色，肉汁成功被锁住。肉质软嫩有弹性，一啲都唔韧，牛肉味又几重㖞，就咁蘸盐食已经唔错~ 略嫌有少少筋。旁边仲有一大堆火箭菜同爽弹多汁嘅蘑菇，包你吸取到纤维。
▪️带子牛油果他他沙律
被朋友誉为碎蛋沙律口味嘅牛油果他他 就唔太岩我地嘅口味。不过牛油果软滑质素唔错，带子软嫩，略嫌酱汁味道偏重，容易盖过带子鲜味。
ℳ𝒶𝒾𝓃 𝒞𝑜𝓊𝓇𝓈𝑒
▪️松叶蟹肉海鲜手拉薄饼 +$50
手拉薄饼有一定厚度，属于薄嘅厚批?! 唔系充满空气感个种，几烟韧有嚼劲，又唔会过于扎实，边边位仲几脆添！馅料份量十足！有齐带子bb、虾仁、鱿鱼、松叶蟹。海鲜意外地唔会焗到好干，虾仁超爽弹，鱿鱼又唔韧。唯独手拉薄饼真系要早啲食！初初食几唔错，去到最后再食 个底已经变到好湿。
▪️软壳蟹天妇罗手工意粉
软壳蟹有惊喜㖞！炸皮好脆，又唔会太厚。一咬落个蟹脚，竟然会bit汁。意粉软硬适中，每一条都裹满龙虾汁。食食吓都有啲腻，但都会忍唔住继续食。仲有大大条秋葵天妇罗添！
𝒟𝑒𝓈𝓈𝑒𝓇𝓉
▪️圣诞软心朱古力蛋糕 配兰姆酒提子雪糕 +$58
软心朱古力嘅流心程度就唔算好劲，蛋糕质地偏绵密 比较似brownies，略嫌有少少太湿。朱古力味几浓，甜度恰到好处，不过兰姆酒提子雪糕就稍为逊色。
𝒟𝓇𝒾𝓃𝓀
▪️姜饼味气泡饮 (no alcohol)
个樽劲得意！加埋顶红色帽劲有feel。饮落似有姜饼味嘅可乐珍宝珠，无想像中咁甜㖞~
▪️圣诞木头 (cocktail)
初初入口先尝到忌廉嘅香甜，电光火石之间，霸道嘅vodka拥岀，酒味相当浓烈。偶尔会感受到姜嘅香气，侧边仲有啲朱古力酱作点缀。
张贴
