上海姥姥 (已結業)

系乐富打波前同朋友先食个饭，系乐富唔知有咩食，只好系个有盖平台到求其揾间食。入黎食个上海面加啲小食一阵打波就刚刚好啦～ 呢两个小食系轻盈份量，我地相信个熏蛋系鸭蛋，熏蹄中间比较多肥膏但系呢两个小食系比较好食既菜了。担担面同排骨拉面个面都算合格但唔够烟靭，排骨都算大份，我自己叫担担面都加左一份排骨。担担面个汤都算唔错，味道几平衡。跟住落黎系最差既包点部门，小笼包好厚皮，好似啲旧式上海店个种小笼包，但依家好多店铺都做到皮薄多汁，所以呢个小笼包令我好失望，太'老‘啦～生煎包个底好似冇煎过咁，入面好厚既包又冇肉汁，好似食紧菜肉包咁。总结上海佬佬啲包点做法太旧式，令佢分数大打折扣，其他菜式都只系中规中矩，唯一比较推崇既系佢服务态度唔错，但本人未必会再光顾啦。