湘湘娘娘 (已結業)

今日嚟咗同事介绍嘅一间尖沙咀楼上川菜，餐厅格调高雅，大圆枱之间有木屏风隔开，私隐度高，俨如一间 VIP 房，自成一角。Orion，啤酒倾刻送到，啤酒顺滑入喉，那麦香在口中倾刻爆发，并缠绕在舌头之上久久不散，好啤。湖南长沙臭豆腐，臭豆腐真有够臭，难得嘅系加上辣椒蒜头芫荽以及辣椒油后仲能够保持到𠮶个香脆嘅程度，如果上枱嘅时候再热一啲就会更加完美。重庆口水鸡，经典嘅川式风味配以嫩滑嘅鸡肉，成就咗呢一道重庆口水鸡。葱油拌面，面条口感爽弹，葱油香葱同面条混和，香到不得之了，加上面头嘅干葱点晴，好味。娘娘麻辣香锅，香锅配菜拣咗肥牛、鹅肠、花菜、金菇同粉皮，阵容鼎盛，份量丰富，配菜索尽咗几种辣椒以及花椒孜然等嘅香气，麻味超香，辣得过瘾。