蝦麵店 (荃新天地) (已結業)

好耐冇去过旅行喇，好挂住其他地方嘅嘢食啊！今日行行吓街闻到一阵阵香味，系娘惹嘅香味，一于入去怀念吓啦！好，坐低睇吓有咩好食先！辣味虾汤海鲜面，都几足料，大虾肉质爽口弹牙，青口几新鲜，檬粉好索汤，食落辣辣哋咁，唔错！福建卤汤虾肉鱿鱼面，汤底咸香咸香的，有啲似碗仔翅嘅质地，十分惹味，鱿鱼弹牙有咬口。马来香炸鸡翼，炸得酥脆，同香料好夹。马来沙嗲鸡髀肉串，满满嘅自制沙嗲酱，鸡髀肉烧得几好，唔会老。脆香鱼皮，咬落去喀喀声，正！娘惹参巴咖喱番薯叶，番薯又甜又够腍，番薯叶沾满参巴咖哩。摩摩喳喳，椰汁味浓，作为饭后甜品一流。