影片
更多
2021-05-02
8333 浏览
因为家中法国人好喜欢食点心, 而我自己对点心系极度咀刁嘅关系, 我哋食过好多香港同澳门出色、高质又高档嘅点心, 例如明阁、The Eight、Mott32之类, 但呢一间新开嘅福和雍都依然令我有惊喜❤️呢度嘅地点位于中环心脏地带嘅娱乐行, 无敌方便; 装潢方面, 行紧两层楼上嚟嘅时候谂, 咦, 高档点心嚟讲, 环境好似几open 咁㖞? 但一入到餐厅坐低, 又突然觉得好似坐咗喺一个古典嘅境地, 感觉好特别, 有一种别有洞天嘅感觉。呢一间福和雍据闻系名人饭堂厨师班底制作点心, 所以我哋第一次嚟就两个人一次过试咗超越我哋二人份量嘅点心, 包括平时叫开嘅虾饺、烧卖、明虾阁, 仲有老板推介嘅凤眼饺、韭菜炸蟹盒、萝卜丝酥饼、鹊巢黄金蛋、蛋黄千层榚同芝麻榚。点样厘定一间点心高与低质, 我自己有古怪嘅一套理论, 首先睇水晶皮, 系唔系少少恰到好处嘅弹牙, 当你咬一个点心, 佢系唔系喺一个啱嘅timing去爆开; 之后d 馅系唔系有层次嘅咬感与口感, 相信呢个同虾嘅质素同虾滑/猪肉滑嘅手工有莫大关连; 另外系味道, 系唔系到位, 好重要系香味有冇惊喜, 例如, 咦? 佢落咗d 咩呢?? 呢d 系叫惊喜;
呢度嘅地点位于中环心脏地带嘅娱乐行, 无敌方便; 装潢方面, 行紧两层楼上嚟嘅时候谂, 咦, 高档点心嚟讲, 环境好似几open 咁㖞? 但一入到餐厅坐低, 又突然觉得好似坐咗喺一个古典嘅境地, 感觉好特别, 有一种别有洞天嘅感觉。
呢一间福和雍据闻系名人饭堂厨师班底制作点心, 所以我哋第一次嚟就两个人一次过试咗超越我哋二人份量嘅点心, 包括平时叫开嘅虾饺、烧卖、明虾阁, 仲有老板推介嘅凤眼饺、韭菜炸蟹盒、萝卜丝酥饼、鹊巢黄金蛋、蛋黄千层榚同芝麻榚。
点样厘定一间点心高与低质, 我自己有古怪嘅一套理论, 首先睇水晶皮, 系唔系少少恰到好处嘅弹牙, 当你咬一个点心, 佢系唔系喺一个啱嘅timing去爆开; 之后d 馅系唔系有层次嘅咬感与口感, 相信呢个同虾嘅质素同虾滑/猪肉滑嘅手工有莫大关连; 另外系味道, 系唔系到位, 好重要系香味有冇惊喜, 例如, 咦? 佢落咗d 咩呢?? 呢d 系叫惊喜; 炸物就都系松+脆+油香系要维持一个微妙嘅平衡, 咬落去好似经历咗N百层嘅小脆感, 去到一个以上面所讲嘅上盛嘅馅嘅质素, 就为之上盛。
而福和雍绝对做到以上我对高质素嘅要求, 点心皮软但不失弹牙, 馅嘅质感有层次同味道有惊喜, 炸物做得异常出色!
凤眼饺/ 虾饺
189 浏览
1 赞好
0 留言
绝对符合我以上讲嘅高质皮, 好软身, 但又不失弹牙, 虾非常爽口, 同猪肉又令到一只小小嘅饺, 有至少三种咬感同香味, 味道做得非常之好。
凤眼饺 $48
同上, 基本嘢唔多讲, 佢上面系唔记得咗系鱼定带子, 下面有类似菠菜定韮菜, 成件事好清新, 同因为唔系常见点心, 就会不停谂, 系咩嚟嫁呢? 系咩嚟嫁呢? 呢个就系我上文所讲嘅惊喜同趣味。
烧卖/ 萝卜丝酥饼 /鹊巢黄金蛋
346 浏览
1 赞好
0 留言
当出面嘅烧卖已经浮夸到咩都会放喺顶, 例如鲍鱼、鱼籽、金泊、鹅肝、松露, 福和雍反而喜欢同我哋玩玩传统, 就系香菇烧卖, 而呢种菇香, 并非浪得虚名, 系真心香, 同老板话佢哋度咗一轮, 决定唔系100%跟传统造法, 而系加返少少虾滑同虾, 令佢比起真正传统嘅香菇烧卖有返多少少层次, 而佢哋呢个决定做得好成功, 推介!
以上蒸点都系非常推介, 唯一美中不足嘅地方, 系好多香港人都系辣椒油送点心, 无论点心做得几出色都好, 唔知点解硬系就想点下辣椒油; 佢嘅辣椒油系plain 嘅斋油, 事实上, 辣椒油嘅质素同茶其实系同等重要, 所以绝对可以花多少少心思去拣。
鹊巢黄金蛋(左) $88
鹊巢炸物多数都唔会差得去边, 但呢个鹊巢黄金蛋嘅油香同脆同散法(无错, 系散法) 都系处理得相当唔错, 作为一个要扮elegant 嘅女性嚟讲, 成旧嘢咬得落咬得断又唔难handle, 呢一点非常重要, 一咬开仲要见到只鹌鹑蛋, 真系超开心!
萝卜丝酥饼
$48
257 浏览
0 赞好
0 留言
萝卜丝酥饼 $48
而家市面上有好多好出色嘅萝卜丝酥饼, 有一d 重点行喺个皮度, 个样古怪得意得嚟咬落好脆; 呢一个萝卜丝酥饼反而系走一种传统、平衡、极致、完美嘅路线, 佢要嘅唔止系个皮做得好, 系成个萝卜丝酥饼包括个馅都系storyline 嘅一部份, 佢个皮唔系行N 个小脆感嘅路线, 而系一个有层次由皮到馅都松+软+脆->滑。佢嘅馅做得好滑好滑, 味道少咸加鲜加香, 再加上皮嘅油香, 成件事简直系无与伦比。呢系我食过其中一个最出色嘅萝卜丝酥饼。
明虾阁/ 韭菜炸蟹盒
159 浏览
0 赞好
0 留言
呢个点心我要利申我唔系一个适当人选去评价, 因为我唔食芫茜, 呢个明虾阁比较重油味同芫茜味, 所以已经盖过晒我所有嘅味蕾。
韭菜炸蟹盒 (后) $88
都系其中一个signature dish, 薄薄嘅蟹盒, N 个小脆口嘅感觉, 加上菜同蟹又夹得啱啱好, 正!
蛋黄千层榚
$68
213 浏览
0 赞好
0 留言
蛋黄千层糕 ($68)
由于佢哋未有奶黄包嘅关系, 就唯有试下平时好少叫嘅蛋黄千层糕, 唔讲唔知原来传统千层糕系只有五层LOL 真系长知识! 呢个千层糕好有蛋香, 中间有合桃同nuts 味, 浓郁有咬感。
芝麻糕
$48
162 浏览
3 赞好
0 留言
芝麻糕 ($48)
佢哋一上呢碟嘢嘅时候, 个感觉好怪异, 觉得...... 好似层相识嘅感觉, 好似一旧graphite.... 谂咗一晚, 终于谂到, 系一个软嘅墨砚定墨磨 LOL 当佢个样系咁平实, 但食落系非常有惊喜, 好香好香好香嘅芝麻香, 就好似福元汤圆嘅芝麻馅, 味道较轻一格仔, 变成咗一个好似泰式椰汁糕嘅质感嘅芝麻甜品。个样系好笑咗少少, 但绝对会100% 推介
凤眼饺
$48
188 浏览
0 赞好
0 留言
张贴
