彩福欣宴 (已結業)

一向做开饮宴嘅彩福，原来点心同晚饭也有水准。上次试过师傅煮龙虾嘅功夫，今日就再探索其他招牌菜。佐敦分店睇落无荃湾咁多套餐，咁就唯有散叫，今晚点左呢个怀旧金奖叉烧，何为金奖，相信就在于叉烧外层嘅蜜汁，紧紧挂在叉烧，一齐送入口内甜甜嘅烧烤味好正，外于个人比较喜欢半肥瘦嘅质感，所以下次能够做到肥瘦适中就更加金奖接住就系上次试过嘅南乳脆皮鸡，发觉半只唔够喉，所以今次直接点一只，可惜有点过火，但南乳汁依旧惹味。虽然龙虾无做优惠，但我就点左上汤焗海中虾伊面底，虾肉新鲜，肉质弹牙，而且彩福嘅上汤焗一向好岩我口味，所以有8分再黎清蒸沙巴龙虿班，感觉一般，无特别嘅惊喜。带子海鲜什菜煲，平时食饭都中意点度菜，呢个什菜煲用料丰富，相当下饭。