迦拿名薈 (已結業)

今日难得屋企齐人，冇人要返工或者加班，当然要就阿爸阿妈去食中菜等佢哋开心下！阿妈话依间〈迦拿名荟〉新装修，决定上去试下。成个场地粉粉紫紫，全场无柱设计，楼底又够高，确实摆酒一流。仲有大吊灯，熄晒灯进场一定好靓平常日子食晚餐可以拣套餐，价钱几抵。海鲜都唔贵喔其他小菜都好抵食，大部分都唔过一百蚊。如果多人都可以拣一围围嘅套餐，有老虎斑喔平常一家人食饭唔使下下叫咁贵嘅。经理推介之下叫咗一个拔丝咕噜肉，又真系几好食㖞！绝对做到拔丝嘅效果，而且咕噜肉外层唔会畀酱汁浸到淋晒，保持到香脆，肉质唔干不柴，唔怪得系镇店之宝。仓鱼平时喺屋企多数清蒸，今次竟然可以食到香煎！识煮饭嘅人都知，要将一条鱼煎得干爽，技巧的确不少，今次呢条仓鱼可以话系煎得完美！结实不松散，外皮香脆，味道亦咸咸香香咁，好惹味。鱼香茄子不嬲都系我嘅最爱，今次当然不能放过。WOO！！茄子大大条加埋d炒过既肉碎，香香辣辣又惹味，送饭真系一流屋企人话干扁四季豆亦整得唔错，但我本身唔食四季豆所以唯有睇住屋企人将佢哋全碟清晒，应该味道不错哦。小菜价钱唔贵，环境亦靓，下次一家人食饭可以再嚟。