another hound café (新城市廣場一期)

营业中

休息中

因为我系泰式肉碎饭迷，所以去到泰菜食店无论贵平，都会叫泰式肉碎。我觉得呢道既肉碎饭可以媲美九龙城泰菜舖，绝对好食过同商场泰菜Nara.👍一上枱就闻到好香炒辣九层塔香草。👍肉碎唔会太咸唔算重口味又唔干，刚刚好同时又有辣辣地好惹味。（食过Nara既肉碎偏咸）👍煎蛋又脆又有蛋味，系半煎炸既流心荷包蛋。👎衰在饭唔热＆偏硬(虽然少少顶胃但可以接受，因为啲肉碎热，同饭一齐"笔"黎食都唔算好觉啲饭唔热)跟饭既汤系咸酸菜肉丸汤。感觉有啲似饮紧胡椒猪肚汤啲汤冇胡椒。个人觉得酸酸地好开胃，可以中和返啲硬饭同辣肉碎既味，令我又可以大啖大啖“笔”啲肉碎饭食。同行朋友食海南鸡饭，啲鸡份量较少，又唔算滑。但𠮶个油饭真系入味到不得了，又够热。同我个白饭相差太远。虽然1百几蚊食个街边50-70蚊既“碟头饭”超级贵又奢侈(我星期日正价食仲贵)，但at least系好食同埋足料(劲多肉碎劲多辣椒劲多九层塔)，环境座位同气氛太舒服。对我呢啲穷L黎讲，间唔中好想食一个真系好食既肉碎饭咪忍荷包痛再黎啰。