影片
更多
2024-02-05
54 浏览
一直听人讲呢间餐厅好靓，而且食材烹调相当高质，今次亲自嚟试下，果然唔错！先提提餐厅嘅装潢，唔同角落都好多打卡位，有啲似型格欧陆+波希米亚风嘅混合，好适合情侣或者一班闺蜜嚟食饭倾偈饮酒🍸，气氛一流！一嚟到，枱上面已经有一个小小嘅浴缸装住nuts!! 好脆好味😋 餐牌整得好靓，感觉好高格调，好多食物都想试，今次试咗：白酒煮蓝青口配多士 （$198）一小窝嘅蓝青口有好多只，厨师加左食用花摆盘方便客人打卡，又配埋烘得非常薄脆嘅面包片俾客人最后醮汁食，作为开胃菜都唔错！香煎澳洲和牛伴鹅肝酱 ($498)呢个主菜个人觉得系必食❤️ 必食❤️必食❤️首先块和牛本身质素好高，五成熟后肉质腍甜，而且油花充足、牛味浓郁。伴碟的黑椒酱汁好香，相比其他扒房嘅黑椒汁更显厨师功架。旁边仲有唧花整嘅鹅肝酱可以配合和牛食，再添另一番风味。水准媲美顶级扒房，个人非常推介！👍🏻👍🏻👍🏻加拿大「保湿」猪鞍配伯爵茶汁（$328）猪鞍上碟时附带一片加拿大枫叶🍁，signature得来令人一见难忘，厨师好有心思❤️😊不过更难忘嘅系味道：平时猪鞍太厚，如果厨师做得唔好，就会嚡熠熠好难食。不过呢件两吋厚嘅猪鞍，餐牌卖点系「保湿」。一切开，果
先提提餐厅嘅装潢，唔同角落都好多打卡位，有啲似型格欧陆+波希米亚风嘅混合，好适合情侣或者一班闺蜜嚟食饭倾偈饮酒🍸，气氛一流！
一嚟到，枱上面已经有一个小小嘅浴缸装住nuts!! 好脆好味😋 餐牌整得好靓，感觉好高格调，好多食物都想试，今次试咗：
白酒煮蓝青口配多士 （$198）
一小窝嘅蓝青口有好多只，厨师加左食用花摆盘方便客人打卡，又配埋烘得非常薄脆嘅面包片俾客人最后醮汁食，作为开胃菜都唔错！
香煎澳洲和牛伴鹅肝酱 ($498)
呢个主菜个人觉得系必食❤️ 必食❤️必食❤️首先块和牛本身质素好高，五成熟后肉质腍甜，而且油花充足、牛味浓郁。伴碟的黑椒酱汁好香，相比其他扒房嘅黑椒汁更显厨师功架。旁边仲有唧花整嘅鹅肝酱可以配合和牛食，再添另一番风味。水准媲美顶级扒房，个人非常推介！👍🏻👍🏻👍🏻
加拿大「保湿」猪鞍配伯爵茶汁（$328）
猪鞍上碟时附带一片加拿大枫叶🍁，signature得来令人一见难忘，厨师好有心思❤️😊不过更难忘嘅系味道：平时猪鞍太厚，如果厨师做得唔好，就会嚡熠熠好难食。不过呢件两吋厚嘅猪鞍，餐牌卖点系「保湿」。一切开，果然肉汁充分，咬落更证实每啖猪鞍都好嫩滑，非常美味，估计应该系用慢煮技术制作而成！猪鞍下的红黄椒煎得好甜，仲跟少少菜，保持健康。呢个主菜我又系劲推介！👍🏻👍🏻👍🏻
饮品方面，餐厅有wine, cocktail, mock tail，我叫咗一杯vodka底嘅blossom whisper，里面充满浓浓嘅樱花味道，除了颜色靓，味道亦都好清新。朋友点嘅 sun of the peach，茶底颇浓，再渗入香浓嘅白桃味，两杯都几好饮🍸🍹
总括嚟讲，呢间餐厅嘅性价比颇高，和牛同猪鞍都做到外面高级扒房嘅质素，但价钱比较相宜，仲要地点方便，希望佢哋保持到呢个质素🫶🏻😃😃 今次仲未试到甜品，希望下次可以日头再嚟，咁就可以同闺密出埋天台打卡，享受一个完美嘅体验❤️
张贴
