樂天皇朝 (將軍澳中心)

营业中

休息中

好耐无同妈咪食饭啦，早几日再次同佢去将军澳乐天皇朝食小笼包，因为上次无叫到八色小笼包&豆沙窝饼，今次补返数。我哋叫咗八色小笼包、五香牛肉猪骨汤拉面、蒜蓉炒菠菜和豆沙锅饼。八色小笼包(原味、糟溜丝瓜、鹅肝、黑松露、芝士、蟹粉、蒜香、川味)8款小笼包各有特式，我最钟意黑松露和蟹粉味，味道比较突出，小笼包皮薄，内层充满肉汁，进食要小心爆汁。五香牛肉猪骨汤拉面我地点咗唔辣的，五香牛肉实质上是牛展，加上小许云耳及2条小棠菜，面质爽口，猪骨汤浓郁。蒜蓉炒菠菜炒菜够晒镬气，蒜蓉味好香。豆沙锅饼上枱时热腾腾的，要摊一阵先好食，外皮够脆，入面的豆沙唔算太甜，好香好滑溜。