影片
更多
2013-08-12
2592 浏览
妈妈星期一生日，所以提早同佢庆祝。本来谂住食烧肉，但两个人又好似食唔到咩，所以都系食西餐算。 BOOK左7点，都未算太多人，只有3、4枱客。环境几有情调，但枱与枱既距离近左啲，基本上都听到隔离枱讲咩。去左差不多8点都已经FULL哂枱，有好多都系三五知己黎，所以环境变得嘈左好多。第一时间睇下食咩先，佢有两种一人SET，一种百几另一种就二百几。但一人SET啲主菜好似麻麻地，见呢个二人SET又有海鲜拼盘就叫左呢个。第一样系面包同沙律，面包有叮过，暖暖地，食落无提子干但好味提子味，仲有旧香草牛油，好味，成旧牛油清哂 但唔知点解面包唔系同汤一齐上，我见枱枱都系咁，莫非面包唔应该送汤？个沙律都好好味，菜好爽好新鲜，无苦味。有适当既沙律酱、烟肉碎、好脆既面包粒同芝士粉。第一次同妈妈系出面既餐厅食哂个沙律，其他餐厅总会有我地唔食既野，所以一般都食唔哂。我仲见几多人就有几多份量既沙律，有枱成7、8个人，个沙律盘好大个，好似屋企开PARTY咁。拼盘有 ： 生蚝两只、蓝贝四只、鲜虾四只、加拿大蚬八至十只、法国螺两只呢度蓝贝出名，就试试质素如何吧！佢系用2层架上，姐系好似HIGH TEA咁。不过个架太高，其实
BOOK左7点，都未算太多人，只有3、4枱客。环境几有情调，但枱与枱既距离近左啲，基本上都听到隔离枱讲咩。去左差不多8点都已经FULL哂枱，有好多都系三五知己黎，所以环境变得嘈左好多。
第一时间睇下食咩先，佢有两种一人SET，一种百几另一种就二百几。但一人SET啲主菜好似麻麻地，见呢个二人SET又有海鲜拼盘就叫左呢个。
第一样系面包同沙律，面包有叮过，暖暖地，食落无提子干但好味提子味，仲有旧香草牛油，好味，成旧牛油清哂 但唔知点解面包唔系同汤一齐上，我见枱枱都系咁，莫非面包唔应该送汤？个沙律都好好味，菜好爽好新鲜，无苦味。有适当既沙律酱、烟肉碎、好脆既面包粒同芝士粉。第一次同妈妈系出面既餐厅食哂个沙律，其他餐厅总会有我地唔食既野，所以一般都食唔哂。我仲见几多人就有几多份量既沙律，有枱成7、8个人，个沙律盘好大个，好似屋企开PARTY咁。
拼盘有 ： 生蚝两只、蓝贝四只、鲜虾四只、加拿大蚬八至十只、法国螺两只呢度蓝贝出名，就试试质素如何吧！佢系用2层架上，姐系好似HIGH TEA咁。不过个架太高，其实睇唔到有D咩食=.=
虾几大只，几鲜味。螺又超大只，够多肉，无沙。生蚝好好味，一啲醒味都无，好想叫半打，但仲有其他野怕食唔哂，所以最后无叫到。
蚬唔算大只，同埋我食到一只有沙。最出名既蓝贝，我又觉得无咩特别㖞，不过不失。
食完海鲜拼盘先上汤。妈妈要左周打蚬汤，入面都有几多蚬，几滑几好味。仲有好脆既面包粒，浸耐左都唔会太淋。我叫左是日餐汤-磨菇汤。食到好多磨菇粒粒同好香黑松露味，不过比我理想中既磨菇汤都系未够浓。两碗汤都画上心心，几有心思。
主菜黎喇，叫左七成熟。入面啲肉系红，但系好韧，好干无肉汁，用把大刀都切唔开。不过炭烧味好香，好重牛味。薯条都好脆好好食，棵西兰花仲用蒜蓉煮过，唔系白灼，有心思。
唔系好多餐厅煮意大利饭好食，呢度都唔例外。食唔够粒粒分明，痴埋一PAT，同埋唔够湿。带子煎得唔够香口，无出面脆入面仲好JUICY既感觉。
最后上甜品，有好多款可以拣。我拣左朱古力软心蛋糕，真系流心架，好香浓朱古力味，但蛋糕唔够软熟硬左些少。相反芒果雪葩好出色，好香浓芒果味，再配士多啤梨同芒果粒，清一清味蕾，为晚饭划下完美既句号。
题外话/补充资料：
我见隔离果枱系庆祝生日，听闻甜品写字系要加钱。但我见个待应放低甜品果阵生日快乐都无句，放低就走左，好似气氛差左啲㖞。
(以上食记乃用户个人意见 , 并不代表OpenRice之观点。)
张贴
