炭火地雞 (已結業)

7点05分入座， 8点40分离座顺带一提，呢间餐厅系冇限时架咁点解我地咁赶住走呢？因为留喺餐厅入面真系贴钱买难受啰首先入到黎，已经闻到一阵up味。听讲呢间野好似开左冇几耐，可想而知衞生情况有几咁好。然后想落单，叫左5分钟先有个侍应同我挥一挥手……然后不带走一片云彩咁去左做其他野。再过多几分钟佢终于施施然行番过黎拎走我地张单。我顺便叫佢拎杯水，佢冷笑左一声又行开左。我谂城门水塘距离呢度可能有d远，所以好耐都未拎到过黎。我见到个另一个侍应经过，我又问佢想攞一杯暖水，佢居然歪嘴问我吓暖水啊？我话系呀，佢就答我冇呀，室温水啦。咁都冇办法，然后番黎嘅时候佢黑口黑面放低杯水，然后大力掉低碟𩠌，之后好假咁讲句：哎哟唔好意思㖞，然后行开。问你拎杯水啫，又唔系问你攞钱，唔洗咁嘅。食物质素好一般，碟碟都迷你过迷你兵团，真系好想请佢食banana。以依个价钱俾d咁嘅质素，CP值极低。再加埋咁嘅服务质素，真系华仔都想番饮杯忘情水，换佢今晚不流泪。