梨滿園韓國料理 (已結業)

韩烧呢几年大行其道，旺区开到成行成市。但小弟觉得非常奇怪，一个位于亚热带嘅城市，点解市民嘅口味可以咁extreme，而又唔会嫌热（同热气）日日食韩烧呢？不过，当香港吉野家都可以做到全天候365日供应火锅套餐嘅时候，对应冰冷气候嘅韩式烧肉店开到梗有一间喺佐近，又有何不可呢？香港近年吹起哈韩风，对韩食要求自然有所提升。仲讲X阳苑？咁同你话食拉面去味X有乜分别，咪玩啦。近两年来食过最高水准嘅韩烧，非尖沙咀「韩珍」莫属……但冇返三五七人，又冇返四五百（蚊）笔直的话，就真系唔好谂。低一个Tier的选择多好多，但质素亦非常参差。梨满园亦系其中之一，仲系高质𠮶只。衰啲讲，韩烧涉及烹调技术并唔多，最多只得「烤」嘅过程；当然要控制烤嘅时间，但肉本身唔够鲜嫩嘅话，就同烤死尸冇乜分别。小弟就有过呢种经验，仲要食足成个钟，非常难受……又咁讲，呢次嘅experience都唔错。唔明嘅话，自己睇相。仲有冇upload相嘅酱油蟹，第一次食，个人麻麻地因为好喊，但新鲜就系事实。食完，Conclusion系坚大镬，因为停唔到口，又要做运动keep住身型。