海南

营业中

休息中

呢间餐厅位于西营盘，距离地铁站出口路程只需要3分钟左右，所以位置上十分方便，隔离正街同下面皇后大道西就好旺，食肆林立。餐厅主打嘅系就去骨海南鸡饭，仲有红烧状元蹄同红酒会牛尾。已经唔系第一次来食，通常都系中午来买外卖，速度算好快，堂食就有时要等位。今日晏咗食饭，就来食佢地嘅下午茶，分量方面， 和全日套餐好似冇乜分别，或者系鸡少啲，其他份量一样。海南鸡饭最重要的一定是那个鸡饭，呢间餐厅做得超好味，全因为香料认真配搭，吃起来唔太油，有干葱等香料 ，唔觉有味精。海南鸡已经去咗骨，入口好嫩滑，好有鸡味，皮唔厚，冇乜肥膏， 有一层啫喱，不会太油腻。比较特别嘅系佢地嘅三色酱，三只都好好味，感觉系心机之作，见到隔离个学生捞埋嚟一齐点，又可以免费添汤同饭，唔似其他餐厅，郁啲就要加钱，所以，感觉呢间餐厅系真心对客。推荐：去骨海南鸡饭，不会令你失望。