阿一豆花 (已結業)

呢间舖可谓专卖黄豆制品，不过食亲试亲都系佢啲豆腐花。因为最近唔食得甜野，所以嗌咗碗走糖嘅热豆腐花。口感依旧一流，坚系入口即溶嘅感觉，好嫩滑，而且都几有豆味，呢碗无糖嘅豆腐花反而更能够突显佢嘅味道，有种想食多一碗嘅冲动，不过晚饭实在食得太饱。如果钟意食豆腐花嘅朋友仔应该嚟北角试下，相信好过大把糖水舖同方便装𠮶啲好几倍。虽然唔关食物品质事，但我都想讲下望佢有机会作出改变，就系购置番啲瓦碗瓦羹，因为连堂食都系用用完即弃餐具都几唔环保下。