靠得住粥麵小館 (已結業)

未试过未食嬲到走！由于平日去，所以冇咩人，好多吉枱。于是行入去一张枱，点知个带位（男人著西装）冲过来，黑口黑面+做个「停」既手势，我唯有向后退，一直退至店外。之后个带位按了一下拿票机才带我们进去，好古怪！但抱著快d食完心态，就照入去。一坐下，个侍应（女士）递个menu过来，我伸手想接，点知佢竟然缩手，示意我放低手，佢先放个menu落枱面！！当然表情是衰到冇人有！！个刻已极后悔入左呢间野！跟住我同佢讲想换杯茶做水，佢转身走左，之后又嗌过来，大喝「系咪要水呀？！」其实好明显听到啦，仲咁嘅态度？？心谂唔系咁仲要贴钱帮衬呀嘛？？唔好话平日度度都唔使等位，就算真系冇得食要挨饿都唔会帮衬！！于是就起身走人！！之后上OpenRice,发现原来唔止我地系咁！ 真系岂有此理！市面上咁多餐厅食物同服务都比呢间野好，各位真系唔须要委屈自己，餐饮业朋友更应该抵制呢类害群之马！建议大家不要助长歪风，坚决不光顾「靠得住」粥面小馆！！