影片
更多
2019-05-17
509 浏览
呢间野之前未装修个时食过一次，个时食下午茶味道都唔错同埋好平，都系三十几蚊已经有碗粉，今次经过呢头见到间野岩岩装修完，门口阿姐又好热情咁叫我同家姐入去试下，谂谂下咁就试下啦，因为见到呢系三十几蚊咁平。入到去比阿姐点去坐大圆枱，睇下下午茶餐牌都真系几平，叫一碗粉可以拣一款小食加一杯港式热饮，不过叫写野个阵阿姐话无哂鸡同鸭，同埋又唔比转其他粉（例如金边粉）不过最后都系叫左两个下午茶。然后，小食好快就上（我叫左咖哩角，家姐要青咖哩印度薄饼）味道不过不失啦，不过我见同枱几个人分别有叫青咖哩同红咖哩，听到佢地话点解青同红咖哩系一样颜色然后叫阿姐换，但扰攘左一阵阿姐好似先明白咩事，同埋我见楼面d人喺侧边讨论左青红咖哩好耐😂😂😂其实一样好简单既野点解会搅咁耐先再比人，原来.....🙄厨房个边将青红咖哩搅到一样😂咩事～咁都会错，仲要老板娘去处理，然后同枱大家既汤河到齐啦～大家都觉得唔好食，成碗野好似整完摆左好耐先比人食咁，个碗边又好似发生命案咁😂抹一抹靓仔少少比人得唔得先，个一刻觉得不如食谭仔好似仲稳阵，至少唔会难食得去边先。中途又听到有个男食客落单个阵话个阿姐：我指埋、读埋比你听你都睇唔到🙄总括黎讲
入到去比阿姐点去坐大圆枱，睇下下午茶餐牌都真系几平，叫一碗粉可以拣一款小食加一杯港式热饮，不过叫写野个阵阿姐话无哂鸡同鸭，同埋又唔比转其他粉（例如金边粉）不过最后都系叫左两个下午茶。
然后，小食好快就上（我叫左咖哩角，家姐要青咖哩印度薄饼）味道不过不失啦，不过我见同枱几个人分别有叫青咖哩同红咖哩，听到佢地话点解青同红咖哩系一样颜色然后叫阿姐换，但扰攘左一阵阿姐好似先明白咩事，同埋我见楼面d人喺侧边讨论左青红咖哩好耐😂😂😂其实一样好简单既野点解会搅咁耐先再比人，原来.....🙄厨房个边将青红咖哩搅到一样😂咩事～咁都会错，仲要老板娘去处理，然后同枱大家既汤河到齐啦～大家都觉得唔好食，成碗野好似整完摆左好耐先比人食咁，个碗边又好似发生命案咁😂抹一抹靓仔少少比人得唔得先，个一刻觉得不如食谭仔好似仲稳阵，至少唔会难食得去边先。
中途又听到有个男食客落单个阵话个阿姐：我指埋、读埋比你听你都睇唔到🙄
总括黎讲，我唔会再食呢间野，唔知系咪转左手所以要装修🙄其实以前都唔算话好特别😓到依家直情系差🤷🏻♀️连同枱唔识既个几个人都话唔会再黎呢间食，同埋佢地楼面、厨房做野好乱、态度唔系几好，其实我去食野个阵都唔算多人呀，做楼面既员工目测都有七、八个，唔明点解会搅到咁乱？！系厨房唔够人？！咁老板真系要谂谂佢咩事....
*如果有人觉得系好食既，咁可能系我黑仔。*
$40
8 浏览
0 赞好
0 留言
张贴
