珍姐泰國菜館

营业中

休息中

呢间在商场角落的泰国餐厅真系好抵食，叫咗个孖宝，$230，有一碟泰式黄咖哩虾球加泰式海南鸡半只。佢个黄咖哩汁系杰身嘅，好香但系就唔辣，虾球都有好多件，感觉上有接近10粒，D青椒同洋葱都好好食，𩠌饭点印度薄饼同蒜蓉包都唔错。呢半只泰式海南鸡都几大只，仲跟埋几粒鸡红同几片青瓜，只鸡都算滑，有鸡味嘅，而且唔算好肥。呢个椰菜苗系侍应介绍嘅，拣咗蒜蓉炒，清清地，味道唔错，感觉到好重纤维质。我地拣咗蒜蓉包点咖哩，热辣辣都几好食。