夢 (已結業)

老兰舞场周二重开，XO仔就孖舞伴早啲喺附近新开嘅「梦」撑枱脚。楼上餐厅由门面个金漆招牌到室内设计及餐具摆设都清一色咁金光闪闪。用餐大堂开扬通爽，右方为二至多人合并式散座，配上黑色嘅厚垫皮櫈，既新潮又舒适。左半边则有个开放式厨房，面前有一排吧位，食客可边饮、边食、边睇住师傅们烹调食物。两口子被安排入座大舞台前方嘅靓位，席上金碧辉煌嘅餐具、餐垫、餐巾极具气派。埋位即有热茶及热毛巾，毛巾同其他餐具上都印有店名个「梦」字，制作相当全面。Wilson师傅作出简介时真系好谦卑，首先道出小店开业只有一个月，各方面仍在改进中，希望大家多多包涵。餐牌上嘅三个选择其实差不多每一日都会略作调整，由于材料大多来自日本，建议初访嘅食客可先尝$1,380/位嘅「七月季节怀石」，节令食材都会以崭新嘅面目上枱，包保大家会有惊喜。为晚餐作序嘅「先付」以木造托盘呈上，盘上舖有粉红色嘅樱花花瓣装饰，雅丽精美。透明小杯内以味清嘅粟米汤作底，汤内嘅大小圆粒全为杂果分子波波，当中嘅杂果有提子味、柿味及蜜瓜味，烟烟韧韧都几得意。接棒嘅「八寸」其实系前菜拼盘，啡啡黄黄嘅枯叶摆盘散发出浓厚嘅秋季味，非常符合碟上六款节令小点，建议由左上