相馬日式火鍋 (已結業)

望穿秋水终于等到大闸蟹嘅季节😭蟹季嘅来临有如节日般重要，亦都成为我同蟹友嘅定期任务。今次蟹友推荐嘅相马日式火锅，系一间连锁放题，老实讲本身都对呢啲任食大闸蟹嘅质素存疑，但一食就知系高质又抵食！🦀大闸蟹一开即刻心心眼😍公蟹激多蟹黄！好香滑，软绵绵，最钟意啜蟹膏啜到舐舐脷😋无限encore🙌🏻🙌🏻🙌🏻🍢日式炸物有炸鸡蛋、虾多士、芝士春卷、米网虾春卷、甜蕃薯仔同午餐肉等多款特色炸物🤩米网虾春卷嘅多重口感我最钟意，全部炸得啱啱好唔干硬，完全冇油益味。🌶中华辣汤开头都担心会太辣因为见佢落重辣椒，但其实食落冇睇起上嚟咁辣，香料味道层次鲜明👍🏻🍗鸡腿啖啖肉好满足🥰肉质一啲都唔干柴。