Mazazu Crepe (已結業)

由细到大都好钟意饮奶, 而食雪糕, 最钟意一定系最够奶味嘅Mazazu Crepe特浓 5.0 北海道牧场软雪糕!每次去铜锣湾, 都一定会去Sogo食杯北海道5.0牛奶雪糕。Mazazu Crepe嘅雪糕系用生乳制造, "生乳" 系指由日本农场即榨嘅生奶, 超浓郁嘅牛奶味, 绵密幼滑嘅质感, 连个雪糕cone都系Mazazu自家制, 厚身又够脆, 无其他软雪糕可比, 正! 除咗原味, 仲会有另一种味道选择, 味道会定期转换, 好似朱古力或者蓝莓等, 但我多数都系食原味, 因为其他味道嘅雪糕唔系用5.0奶, 而系用3.6奶, 同埋会做到少少sorbet嘅效果。所以我都系钟情原味 - 北海道5.0牛奶!不过今期嘅樱花味雪糕, 真系要推介一下! 净系见到个名已经令人心花怒放! 一食落口, 又香又甜, 更令人心旷神怡! 好似我咁未去到日本赏樱嘅朋友, 快d去试下呢个樱花雪糕, 至少可以心灵上满足一下, 𠮶一刻可以当住自己系日本先!佢地嘅crepe都做得好好, 即点即制, 新鲜热辣, crepe皮均匀软熟, 有蛋香, 配料配搭得宜, 够份量, 一个crepe已经可以当餐。蛋卷都ok, 软熟不太甜