Jacomax

营业中

休息中

又系媒体介绍去食，其实食过两次，第一次去食试咗佢嘅苹果薄饼，味道真系几特别，第二次去食就觉得麻麻地，首先一入去就同我讲用餐时间系75分钟，冇错啲食物系好快，但系，呢间野经常都好多人㗎啦，入边又嘈，啲枱又迫，又要食到赶头赶命，好似去咗茶餐厅咁😥当日叫咗一个T-Rex pizza 🍕, 另外再叫多个招牌推介嘅香辣海鲜粗意粉，食咗第一啖我觉得意粉𠮶个味好似茶餐厅炒出黎嘅意粉，系叫做啲意粉粗啲，同埋啲海鲜系几新鲜嘅。至于啲Pizza，新鲜出炉咁，都系ok嘅不过啲料就少咗啲啰。有啲舖头经媒体报道，或者有啲名人加持过跟住就会劲多人去食，然后分店就会越开越多，其实啲人究竟去打卡定系去食嘢㗎？啲嘢系咪真系好食？系咪真系唔重要呢？老实讲其实佢价钱唔算好平啰。