影片
更多
2011-10-14
1707 浏览
嚟彩晶轩饮茶应该系第一次喇，其实以前曾经嚟过，不过系出席表姨甥女嘅婚宴。今趟嚟饮茶都系教会朋友推介，佢话依度啲点心都几有特色，有啲仲颇有新意，而且，以尖沙咀而言，价钱又唔算太贵，确实，好似今餐我哋6个人叫咗11个点心，加2个平价炒粉面，夹埋都系$390，每人都系$65，认真抵食。再者，招呼同环境都唔错，地方算阔落唔逼，茶壶贴咗茶叶名，唔会捞乱晒；不过，最得意系张点心纸，有晒使用说明，讲埋点画先正确，形式好似小弟晌廿多年前小六时，考升中嘅学能测验画横间咁，仲有，有晒英文译名，睇点心学英文，都几有趣。言归正传讲吓食咗啲乜先：蒜香鲜虾长春卷粗略估计有成8吋长，属于大点，一客只得3条添，外皮香脆，咬开之后，蒜香开始隐约渗出，味道颇为惹味，内里包住虾胶，味鲜夹弹。老斗门活折鲜虾饺个名好似几架势咁，不过同一般嘅虾饺无甚分别，但整体都系有水准，外皮烟韧唔黐牙，馅料十足，虾肉绝无偷工减料，味道鲜甜，活折之意，不愧为特点。韩江风味榄菜小粉果外貌平平，但有晒内在美，粉果馅除一般常见嘅沙葛、虾米、炸花生、芹菜、瘦肉…等等，特别添加埋榄菜，味道多咗一层层次，系一款抵试抵食嘅小点。怀旧风情地道马拉糕简单嚟讲，好
言归正传讲吓食咗啲乜先：蒜香鲜虾长春卷
粗略估计有成8吋长，属于大点，一客只得3条添，外皮香脆，咬开之后，蒜香开始隐约渗出，味道颇为惹味，内里包住虾胶，味鲜夹弹。
老斗门活折鲜虾饺个名好似几架势咁，不过同一般嘅虾饺无甚分别，但整体都系有水准，外皮烟韧唔黐牙，馅料十足，虾肉绝无偷工减料，味道鲜甜，活折之意，不愧为特点。
韩江风味榄菜小粉果外貌平平，但有晒内在美，粉果馅除一般常见嘅沙葛、虾米、炸花生、芹菜、瘦肉…等等，特别添加埋榄菜，味道多咗一层层次，系一款抵试抵食嘅小点。
怀旧风情地道马拉糕简单嚟讲，好松软，色泽较深有蔗糖香，马拉糕果然系我哋中式海绵蛋糕嘅代表！
翡翠苗干蒸烧卖
烧卖做得大大粒，虽然卖相包得麻麻，但猪肉馅加入菜苗，多份菜叶之香。
冰梅豉蒜蒸排骨平时食点心蒸排骨多数都系蒜头豆豉蒸，有时家常菜都有一道梅子蒸排骨，彩晶轩就将两者合而为一，豉蒜惹味，梅酸清香，仲谂住个味会怪怪哋添，估唔到都OK㖞。
九公格芋头蕃薯饼见个名咁得意，所以点一碟睇睇系咩嚟，味道唔系卖点，但绝对系搞嘢手作仔。以粉团包住芋头条同蕃薯条，搓成长条形，沾上芝麻落镬炸，因为芋头同蕃薯特别铺排，所以切出嚟芋头同蕃薯形成个九公格咁款。饼身软糯又有芝麻香，口感似食煎堆，不过系较厚身嘅煎堆。芋头同蕃薯就唔算太特别，两者都够粉香！
红油抄手四川著名嘅小食，因小弟唔嗜辣，只有浅尝半只抄手（另半只太太搞掂）。红油色深泛光，辣劲十足带有少少甜香。而馄饨包得扎实唔易夹烂，肉馅柔嫩鲜美。
脆皮松化萝卜丝肠粉初时大家都估紧佢点「萝卜丝」法，我估会唔会粉浆皮加入萝卜榨嘅汁嚟拉，原来系加入咗萝卜丝晌中间嘅炸两，因为即做，所以上到枱油炸鬼仍松脆，配合埋肠粉皮同萝卜丝，口感、味道都别树一格，依个新意系几得！
什豆南瓜银杏燕麦粥好一碗健康粥品，单睇成份：什豆、南瓜、银杏、燕麦，都属较健康嘅材料，虽然材料上无骨无肉，但味道又唔觉太寡，而且个粥都几绵几甜，总好过次次都皮蛋瘦肉粥啦。
菠萝鸡粒炒饭，家乡炒面线
午市嘅一般炒粉饭面卖紧$58-$88，但好奇怪晌另一张限于星期六、日及假期供应嘅点心纸中，有一栏有个菠萝鸡粒炒饭同家乡炒面线，卖$38，初时以为当点心形式卖，平啲就细碟啲啦，原来又唔系，跟平常见到嘅一样大碟，真系抵食。当然，两者都系普通嘅炒饭、炒面，无乜花巧嘢，不过试过又唔觉佢将货就价，材料无话少到唔见影，而味道都唔差，实属填饱肚抵食之选。
张贴
