影片
更多
2020-12-20
3856 浏览
几个月前上到嚟祖尧村祖尧坊嘅「彩龙船中西美食坊」食下午茶，偶然见到呢间「香港西厨学院」，八啩一下，原来除晚市外，逢星三四五都有午餐提供，而且，4道菜只卖$89，无加一，感觉非常抵，不过，星三四五都喺返工日，无机会啦！但最近酸情关系，有个别日子喺在家工作，咁中午都要放饭架，所以，揾其中一日同老婆上去食晏。原本喺想订12月16日晏昼，但店家话呢个星期只做12月17日、18日（星期四、五）两日，喺做圣诞节午餐，5道菜，定价$129，已包加一，之后学院会放假，直到新历年后先开返。所以，趁有机会，12月18日都OK，菜单如下：不过，到访当日，在门口仲贴多一张圣诞节午餐，只做12月25日、26日（星期五、六）两日，同样喺5道菜，定价$150，已包加一，菜式跟我今次食到嘅有分别。一入门口，装修成一间咖啡店模样，无详细过问，我估喺教学之用，因为，佢哋除上述时间开放供应午餐，其次就只有晚上开放有做餐饮生意。防疫都做得好足，职员第一时间会要求客人量体温，消毒双手。之后，再由职员带路，屈个弯就入到餐厅里面，地方唔喺好大，加上由于限聚令关系，全场只安排到8张枱共16个位。装修简约，但亦算几骨子，加上偌大嘅落地
原本喺想订12月16日晏昼，但店家话呢个星期只做12月17日、18日（星期四、五）两日，喺做圣诞节午餐，5道菜，定价$129，已包加一，之后学院会放假，直到新历年后先开返。所以，趁有机会，12月18日都OK，菜单如下：
不过，到访当日，在门口仲贴多一张圣诞节午餐，只做12月25日、26日（星期五、六）两日，同样喺5道菜，定价$150，已包加一，菜式跟我今次食到嘅有分别。
一入门口，装修成一间咖啡店模样，无详细过问，我估喺教学之用，因为，佢哋除上述时间开放供应午餐，其次就只有晚上开放有做餐饮生意。
防疫都做得好足，职员第一时间会要求客人量体温，消毒双手。之后，再由职员带路，屈个弯就入到餐厅里面，地方唔喺好大，加上由于限聚令关系，全场只安排到8张枱共16个位。装修简约，但亦算几骨子，加上偌大嘅落地玻璃窗，喺欠咗少少阳光，外面仲有啲露天位，不过，就未有开放。
虽然话装修简约咋，但餐枱上嘅摆设一点都唔「马虎」，仲带点旧式西餐厅或扒房嘅情调，餐具都排列好，可以讲一丝不苟。
而晌餐厅内，透过一面大玻璃，喺可以直接睇到厨房运作，由外籍导师指导，做菜就交由一班年轻学员作「煮」，真真正正嘅「学生餐」，透过实战去体验一下餐厅嘅运作！而部份学员就「客串」侍应岗位，里里外外各司其职，适逢圣诞，更着起圣诞老人装应吓节。
Classic Prawn Cocktail with Melba Toast菜单全英文，加少少注解，不过，甫坐低，学员都会作一个简单嘅介绍。前菜、甜品都喺二拣一，我同老婆两个人，唔需要烦，就正正两样都试到。呢个「鸡尾虾」真喺打响头炮，首先卖相好精致，甚有高级西餐厅做菜嘅影子，主角嘅牛油虾，好清爽，肉质弹牙，而下面青瓜薄片卷住嘅喺牛油果、意大利干蕃茄、虾肉……等等做成嘅沙律，配上酸香带微辣嘅酱汁，非常醒胃；再配搭烤脆咗嘅薄面包片，以及以火枪烧过嘅牛油生菜，都反映好多细节位好用心。
Classic Prawn Cocktail with Melba Toast
40 浏览
0 赞好
0 留言
Melon with Parma Ham睇个菜式名，相信好多人都知会喺咩，不过，嚟到会有惊喜，其实，睇菜牌嘅描述，都会再了解更多，因为唔单止有巴马火腿伴蜜瓜，仲有哈蜜瓜雪葩及炸芝士球。巴马火腿未至于好油润，但咸香十足，衬以清甜嘅蜜瓜，非常搭配；而炸芝士球超脆口，芝士味好浓郁软绵，又一啲都唔油；最后先至食个哈蜜瓜雪葩，可有清清味蕾之效。
Lobster Bisque 有出去食开西餐都知，一客龙虾汤单点卖到$70、$80，甚至更贵，而一般西式套餐都好少供应龙虾汤，大多数都喺乜乜忌廉汤之类，除非喺晚市卖到3、4百以上嘅套餐。故此，百零蚊嘅午餐大俾到龙虾汤实在喺赚突。难得嘅喺，个汤嘅虾味非常突出，好浓郁，又够热辣，质感啱啱好，唔会太厚，亦唔会太稀，真喺好好饮。
Lobster Bisque
22 浏览
0 赞好
0 留言
Christmas Turkey with all the Trimmings主菜3拣1，我就拣个够贴节日气氛嘅煎火鸡，火鸡胸、鸡腿都经过慢煮，然后再煎香，所以，入口一啲都唔嚡，相反，都几嫩滑，配上小红莓汁，感觉好唔错，而且，有一小件「pigs in blankets」，仲以为喺乜，其实喺香肠烟肉卷，甚具油香。
Christmas Turkey with all the Trimmings
20 浏览
0 赞好
0 留言
A Vegetarian Christmas餐厅都照顾到素食人士，所以，老婆就拣咗呢一款素主菜，卖相有啲似圣诞肉批，但其食材喺烤烘过嘅果仁、白甘笋、腌渍过嘅红菜头，再加入素菜汁所做，同样伴上小红莓汁佐食。虽然明知喺素食材，但食落真喺几有「肉感」，有阵阵香料味，而且，多种食材产生出多层口感，喺一道颇有趣嘅菜式。
A Vegetarian Christmas
31 浏览
0 赞好
0 留言
Roasted potatoes, Carrots and Turnip puree and Brussel sprouts 主菜喺配有薯菜，不过，好得意，我哋两人份嘅薯菜另碟上，再由侍应夹上碟，包括烤薯仔、甘笋萝卜蓉（我初时以为喺蕃薯蓉）及炒小椰菜。啲薯仔烤得外层脆口，好有薯味，甘笋蓉亦打得软滑，小椰菜好爽口。
Lemon Tea餐牌无列明，其实喺有包餐饮，但免费嘅就只限柠水、柠茶，想饮咖啡嘅则需另加$20，此外，就无其他选择。
Christmas Pudding with Brandy Sauce 接近尾声，喺上甜品嘅时候，呢一款圣诞布甸绝对喺传统，食过嘅朋友就知喺一道烘焙嘅甜点，内里混入大量杂干果，简单加入面粉焗成嘅蛋糕已非常好食，熨热香甜，味道芬芳，再淋上白兰地汁，简直喺完美嘅结合！
Christmas Pudding with Brandy Sauce
47 浏览
0 赞好
0 留言
Sherry Trifle 另一款甜点真喺唔知乜嚟，睇餐牌嘅介绍，有好多嘢，如生果、海绵蛋糕、云呢嗱吉士、甜奶油，好期待。以传统鸡尾酒杯盛载，放咗几粒红桑莓，卖相好靓。单睇面头嘅甜奶油嘅粒粒黑点，就知用云呢嗱籽做，唔喺用香精油，喺诚意，而下面喺红莓果肉夹杂海绵蛋糕，酸香鲜活，好好食。事后，睇到佢个圣诞餐牌，有个中文译名：英式奶油水果杯。
Sherry Trifle
29 浏览
0 赞好
0 留言
Mulled Wine and Minced Pie 由于贺圣诞关系，最尾再送上暖暖嘅红酒及迷你猪肉批，前者喺加咗啲玉桂及八角去煮，饮起嚟更容易入口，又渗出阵阵香料味，感觉真喺几唔错；而猪肉批就唔喺好多惊喜，叫OK啦。
用餐过程中，外藉导师不时会出嚟问吓客人嘅意见，而学员晌招呼方面虽然有少少生手，但都感受到佢哋都好尽力做，亦好殷勤有礼。顺带一提，每一环菜式，都会同步出菜，例如，前菜嘅虾沙律及巴马火腿配蜜瓜，都如一般高级西餐咁，一同上枱，绝无前后脚。而且，上菜嘅流程好顺，即喺一道菜接一道菜，唔急，亦唔会隔得太耐。总之，无论食材嘅配搭及用料，服务嘅态度及流程，都予人称心之感，真喺有着高级西餐厅嘅水平，但只喺百零蚊大众化嘅价钱！
张贴
