影片
更多
2009-03-19
31 浏览
我唔信一间餐厅煮咩都好食,一定有佢本身o既强项同弱项,如果想食好野,我觉得最直接就系问下个老板或师傅今日有咩好食或者佢地有咩招牌菜,如果佢地连呢d讲唔到比你听或者同你讲"我地咩都好食,你想食咩丫!"呢间野你可以唔驶再来. 今日我去左呢间辛之葵食野,我知道如果你第一次帮衬d套餐就一定会大失所望,所以我问有咩好食,佢地介绍左我食个万里香鸡肉炒乌冬,但系个炒乌冬系餐嚟但系人地盛意拳拳我都想试下,跟住问佢地有咩寿司好食,老板就推介左带子,玉子(佢地话系自家制),海胆(佢地话系日本空运),跟住介绍左个广岛蚝比我,我同事就要左个鳗鱼饭同什锦天妇罗.1.万里香鸡肉炒乌冬---一上菜见到个乌冬用酱油炒就谂住日本菜果种甜爷爷o既汁,但系食落又唔系死甜果只,佢炒到汁干晒(有d似干炒牛河),有d香草系面,都尚算ok,比起我想像o既好.2.寿司---只带子鬼咁大只又厚,食落好鲜甜好爽口好有口感(个苏c王成日唔比人用口感去形容,唔知系佢懒有型定系我中文程度低...唔用口感呢2个字我唔知用咩字去形容),玉子系自家制半吋厚偏甜,我觉得ok,好过去d回转寿司店食d交来o既货,海胆好鲜甜仲
今日我去左呢间辛之葵食野,我知道如果你第一次帮衬d套餐就一定会大失所望,所以我问有咩好食,佢地介绍左我食个万里香鸡肉炒乌冬,但系个炒乌冬系餐嚟但系人地盛意拳拳我都想试下,跟住问佢地有咩寿司好食,老板就推介左带子,玉子(佢地话系自家制),海胆(佢地话系日本空运),跟住介绍左个广岛蚝比我,我同事就要左个鳗鱼饭同什锦天妇罗.
1.万里香鸡肉炒乌冬---一上菜见到个乌冬用酱油炒就谂住日本菜果种甜爷爷o既汁,但系食落又唔系死甜果只,佢炒到汁干晒(有d似干炒牛河),有d香草系面,都尚算ok,比起我想像o既好.
2.寿司---只带子鬼咁大只又厚,食落好鲜甜好爽口好有口感(个苏c王成日唔比人用口感去形容,唔知系佢懒有型定系我中文程度低...唔用口感呢2个字我唔知用咩字去形容),玉子系自家制半吋厚偏甜,我觉得ok,好过去d回转寿司店食d交来o既货,海胆好鲜甜仲有dd海水味,广岛蚝系我食佢3样海产里面最好o既,食完"呕"番出来啖气都系蚝味.
3.鳗鱼饭---我见我同事碗野应该有大半条鳗鱼,超饱肚,但系d味都系一般,唔会令你失望果种,但系最贴心o既系佢识比埋山椒粉你,好多日本餐厅啋你都傻,你唔问都唔比你或者根本冇呢样野.
4.什锦天妇罗---好难食,食落去系淋果种,我向老板投诉,佢话个师傅开错粉,佢收起份野即刻同我整过份,再来果份果然对版,好食,个同事话食咁多间呢间最好食,我问老板点解会咁架,佢话新开张,好多野未set好,仲同我say 晒sorry,咁就算啦,知错能改丫嘛!
顺带一提佢地杯奶茶ok估㖞,我系度谂...日本菜有奶茶咖啡系因为要做套餐先会加呢d饮品上去架o者,顶晒龙咪茶包加奶...点知佢地做到好似茶餐水准咁,都算惊喜啰!
最紧要佢地有室外坐位.....可以抽下烟!!hehe
张贴