丸十日本食堂 (已結業)

逛商场逛到攰，见有些许饿又未到晚饭时间，决定揾间日本野点几味轻食解吓馋。旁边就系元气，以价位比较起来丸十都算贵价，心中自然有期待，相信食物质素唔会逊色。$198六片和牛薄烧，包裹著切段韮菜，表面洒上葱花及炸蒜。韮菜不多、并无爽脆感，和牛片肉味颇淡，胜在入口带油香，加上香脆又带略微韧劲嘅蒜片提香，算系拉上补下过关最平价嘅玉子烧反而唔错。蛋卷软嫩、蛋汁充分，鳗鱼油脂多、滑嫩不腥，整体口感好嫩好滑好饱满。爱食刺身嘅朋友恐怕会大失所望唔新鲜又带腥气，唯独吞拿鱼够厚身又唔腥；鲜虾头大身细，但虾头几多膏。寿司手势唔错，握得结实不散，饭粒大小适中不湿不干，预先加入豉油同醋拌匀，味道足而淡香，不需额外调味灸烧虾同中拖无咩特别，中间嘅金目鲷软嫩又有鱼香，吞下后口腔仍保留余韵，算系失望中嘅小惊喜。