影片
更多
2017-12-31
2499 浏览
有位特别嘅朋友从瑞典飞嚟香港探我同肥妈，决定请佢食一餐多谢佢，嚟返呢度，因之前嚟过，感觉唔错！我哋一行四人，11：30am入座，全店只得一枱人，所以任我哋拣位，本来想坐最入，但见到有只小小强喺枱边经过，朋友建议坐近入口嘅里面。食物同上次大致相似，但冇咗上次我劲喜欢嘅茄汁肉丸，真可惜！我食咗四轮，觉得以下食物最值得推介：1)杞子烚菜心：菜心鲜嫩鲜甜！一啲渣都冇！2)椰菜浸鲜竹卷：鲜竹卷幼身入味，腐皮软腍，垫底嘅大块椰菜亦沾满汤汁，十分美味！3)彩椒炒肉干：呢味我食得最多！大豆造嘅肉干好入味，我食咗十几旧！4)肉松豆腐：豆腐滑漏，同肉松十分夹！5)菠萝咕噜肉：似软身斋烧鹅，好入味！6)香蕉班戥：呢个系一位女店员走埋嚟介绍，即叫即整，十分香甜！值得推介！可惜我唔记得影相已消灭咗！另外，我亦食咗1)黑椒牛扒：似微炸过嘅午餐肉，要点茄汁食！2)烧卖：冇乜特别，可食可唔食；3)肉骨茶里嘅豆腐：似海绵质感嘅豆腐；4)紫心蕃薯伴乳酪雪糕：紫心蕃薯香甜软熟，但乳酪雪糕偏甜！我见门口写住入座先俾钱，但又唔见有店员嚟问我收，于是自己主动走出去俾，个男店员话本来想俾我哋食一阵先，真体贴！进食时间规定个半钟，但
我哋一行四人，11：30am入座，全店只得一枱人，所以任我哋拣位，本来想坐最入，但见到有只小小强喺枱边经过，朋友建议坐近入口嘅里面。
食物同上次大致相似，但冇咗上次我劲喜欢嘅茄汁肉丸，真可惜！
我食咗四轮，觉得以下食物最值得推介：
1)杞子烚菜心：菜心鲜嫩鲜甜！一啲渣都冇！
2)椰菜浸鲜竹卷：鲜竹卷幼身入味，腐皮软腍，垫底嘅大块椰菜亦沾满汤汁，十分美味！
3)彩椒炒肉干：呢味我食得最多！大豆造嘅肉干好入味，我食咗十几旧！
4)肉松豆腐：豆腐滑漏，同肉松十分夹！
5)菠萝咕噜肉：似软身斋烧鹅，好入味！
6)香蕉班戥：呢个系一位女店员走埋嚟介绍，即叫即整，十分香甜！值得推介！可惜我唔记得影相已消灭咗！
另外，我亦食咗1)黑椒牛扒：似微炸过嘅午餐肉，要点茄汁食！2)烧卖：冇乜特别，可食可唔食；3)肉骨茶里嘅豆腐：似海绵质感嘅豆腐；4)紫心蕃薯伴乳酪雪糕：紫心蕃薯香甜软熟，但乳酪雪糕偏甜！
我见门口写住入座先俾钱，但又唔见有店员嚟问我收，于是自己主动走出去俾，个男店员话本来想俾我哋食一阵先，真体贴！
进食时间规定个半钟，但我哋坐多咗十几分钟都冇人叫我哋离座，服务态度唔错！
每位$118，加一后四位共$519，虽然我食嘅份量应唔够$50，但能同细妹&好友留下珍贵嘅回忆，值得！
$130
96 浏览
0 赞好
0 留言
张贴
