彩福皇宴 (已結業)

外籍舞友寿辰，参加特别庆生舞会前话想食中式龙虾，仲劲有心得咁话舞场附近嘅「彩福皇宴」包保平、靓、正！听到佢地叫「彩福」、「彩福」，细佬好自然地估系间普通嘅中式酒楼啦，点知一出升降机门即见到四周围都系粉彩嘅花花装饰。。。睇真啲先发现餐店原来人家系做婚宴为主。好在三口子早已订座，因为都几旺场。中菜馆黎讲，每行散座都算几多位，难得客人与服务生都可行动自如。餐桌白色嘅枱布上有齐备嘅中、西式、自用及公用餐具，明显预咗贵客黎食招牌龙虾。移居香港多年嘅R兄真系识食，埋位开咗茶即每人点咗只「蒜蓉开边蒸龙虾」；冇错，系一人一只，落单时仲讲明话要「分开上」！因舞前唔可以食得太饱，其余就只系点咗两款小菜。脆皮烧腩仔（$65）：如相所示，烧腩仔肥瘦均匀，且层次分明，皮层十分香脆，猪腩肉松爽软润，价位绝对有良心。巧手煎焗新会陈皮豚肉粒（$92）：都几大粒嘅豚肉粒外表看似油腻，但意外地咬落炸皮热辣松脆，入面嘅猪肉爽厚多汁，都好香口，不过如果可以再少啲油就更理想。蒜蓉开边蒸龙虾（$88/斤）：每人一只龙虾喺面前，真系几震撼架，小肥唯一遗憾未有三只拍埋一齐影幅大合照。。。小弟少食海鲜，要由靓女教路，方才知悉龙虾肉只需