宇治園 (已結業)

好耐冇黎宇治园，黎开时代广场又想食甜品就帮衬吓先。自己喺店舖隔离揾商场嘅位坐，而家疫情期间好易揾位。焙茶芭菲 $80上次试过抹茶同焙茶芭菲，今次要encore后者，因为惊夜晚训唔着。芭菲一共有三款口味，包括抹茶，焙茶，牛奶。服务员当然系即整。不过今次焙茶芭菲少左脆米。其他同上次一样，首先雪糕上面插上一块树叶型曲奇饼，块曲奇饼又香脆又松化。雪糕上面加左焙茶粉，非常香。旁边加左一白一紫两粒丸子同少少红豆蓉，丸子同上次一样颇差，好硬而完全唔烟韧，白色同紫色味道差别唔大。下面有好味嘅卷蛋块同脆脆粟米片，再加上大量香滑忌廉，好似将卷蛋加左入杯芭菲杯。不过个人觉得忌廉太多，换转系雪糕会好啲。最下底有滑溜焙茶味啫喱。主角焙茶软雪糕又滑又香，非常好食。呢度嘅芭菲非常丰富，俾人多重口感。焙茶啫喱 $70焙茶啫喱系大大杯焙茶软雪糕洒上焙茶粉，下面有一粒白色同紫色丸子同粟米片，仲有少少红豆蓉，再下底就系半杯焙茶啫喱。换句话说，呢杯焙茶啫喱同焙茶芭菲嘅分别就系冇左焙茶芭菲嘅卷蛋，忌廉同曲奇饼，但系焙茶雪糕就多啲，个人觉得同焙茶芭菲不相伯仲，口感都多层次。焙茶芝士蛋糕 $45焙茶芝士蛋糕已预先切好用纸盒包好，卖