A-1 Bakery & Châteraisé (已結業)

🍅宇治抹茶千层蛋糕 hkd38想食A1嘅千层蛋糕好耐，原味感觉无咩特别，朱古力又食得太多，所以拣左抹茶。佢面头有层啫喱咁嘅野，绿绿地色。蛋糕有好多层薄薄嘅饼皮同幼滑抹茶忌廉，夹杂住少少少少少量红豆。饼底系海绵蛋糕，软绵绵，同千层好夹。件蛋糕口感唔错，忌廉入口即融，皮够薄，层数都多。第一啖放落口，抹茶味好浓，浓到有一阵草腥味，有d似食紧草饼。之后再慢慢放落口回味，渐渐无左草腥味，突出左抹茶味，有回甘，而且唔会太甜。总而言之，如果钟意抹茶，呢件蛋糕真系值得一试，但因为红豆而感兴趣嘅可以再考虑下，毕竟红豆数量真系好少，得果几粒。