Via Tokyo

营业中

休息中

原本想食附近好出名间冰屋，点知5点半店休，就食左呢间甜品店，浓浓的宇治抺茶！① 蒴饼 - 宇治抺茶 $59招牌甜品，雪糕份量几多，唔会太甜，几有质感。虽则平日抺茶红豆呢个配搭好夹，但今次我觉得个抺茶雪糕配抺茶粉仲正，配红豆好似有啲甜。蒴饼烟韧，加埋粒栗子，成件事好丰富。.② 宇治抺茶半熟焦香芝士蛋糕 $48唔会觉得好腻，面层焦香，中间少少流心，半熟蛋糕软熟，加埋少少绿茶粉忌廉味道层次更丰富。③ 抺茶拿铁 $40拉花无餐牌咁花巧，不过真系好好饮，香浓抺茶味，醇滑口感.落单果阵见到有套餐叫，不过我拣款蛋糕同饮品都要额外加钱，当我仲计紧散叫定套餐抵啲，店员就话套餐个份量少啲，所以我几样都系散叫。