鍾菜 (已結業)

今日中午黎食解秽酒，亲友之前已订座。照专业人士讲，嗌8道菜。咁就叫咗人黎落单啦，点知主要菜式 - 烧猪，冇！ 下？讲到明系解秽酒/缨红宴，点会冇烧肉？知客小姐话乜野烧味都冇，要预订先会有。当客人打黎话要订相关传统宴席时，如何可以提下需要预定有关食品先会有嘅话，系咪好啲呢？亲友知悉此事后，话会去邻近德福自己购买，而知客小姐就表示：会收取一百元外来食物收费。在此劝喻各位，以后各位订酒席时，要烧味嘅话，记得提醒茶楼方预留相关菜式，如果唔系要自行解决之余，仲要被收取额外费用就无谓。如果 贵店会睇嘅话，希望可提醒订座客人需预订某些菜式，否则可能无法提供，从而避免以上事件再次发生就好喇。