火鍋煮場 (已結業)

去火锅店食烤肉系乜野玩法？其实都几好食，D肉烧黎食系香D嘅，又可以悭返个汤底钱可以用黎叫吓其他野食。呢度个炉都几好，无乜油烟。配有烧烤专用酱料。牛肉我地拣咗安格斯牛小排，其实佢呢度都系得3款牛︰和牛、安格斯牛小排同喂饲牛，我地觉得和牛可能会太油，所以就拣咗安格斯。咁多样野之中我地觉得安格斯牛肉同鳝片用烧烤嘅方式黎食最正，可能因为有D脂肪所以烧出黎会更香口。另外叫咗份生菜包住D肉食就无咁滞。饮啤酒就仲正，因为佢地做紧100支啤酒$100，边食BBQ边饮啤酒一乐也。