泫居酒屋

营业中

休息中

同同事Farewell，当然要食好啲！原来宋王台站附近原来唔止泰国嘢！有一间高质嘅日本菜隐藏喺依度！杂锦鱼生沙律🥗-沙律菜非常新鲜爽口，配搭埋非常新鲜嘅角切鱼生，主要系三文鱼同油甘鱼，相辅相成美味又健康。三色刺身-三文鱼、油甘鱼、带子刺身厚切各两件，三款都真系非常新鲜，唔会好似某啲餐厅过度雪藏，质感好有弹性肥美，绝对系我食过里边头几位！非常满足！西斑牙银堡垒生蚝🦪- 大大只非常肥肥，味道都好新鲜，配搭左青柠，唔需要加其他海鲜酱，因为非常鲜甜！牛舌芯-牛脷当然要食厚切！佢熟度系啱啱好，里面系半熟嘅状态，充满牛肉汁，口感脆口。焼活鳗- 比起烧汁鳗鱼，我更加喜欢盐烧，可以品尝到鱼本身鲜，鳗鱼肉质有弹性，未到新鲜，鱼皮烧得爽脆。风味海鲜粥- 碳水方面，我哋要咗个海鲜粥，粥底好棉，加上同蚬、虾、蟹籽、同埋隐隐约约嘅蟹肉一齐煮，又鲜又甜！非常邪恶。