Mama Mia! Pizzeria

营业中

休息中

早幾日，見兩個姨甥考完試，就帶佢地去食pizza。揀左間位於宋皇臺站性價比高的一間「Mama Mia! Pizzeria」。整體環境舒服，萬聖節🎃又有特別裝飾👻🧟♀，平時都有好多打卡位，岩晒放假想食好西、影靚相的大家。 餐廳的set餐都幾多單人：6吋pizza或pasta，一罐汽水，只需$68。二人：9吋pizza，一款小食，兩罐汽水，只需$198。四人：兩個12吋pizza，兩款小食，四罐汽水，只需$388。 -Pizza Set for 2-⦁夏威夷pizza🍕手工Pizza底厚薄適中，有咬口。整個pizza都鋪滿新鮮菠蘿🍍及火腿，配埋千島醬，十分足料。 ⦁BBQ雞翼BBQ醬香濃入味，雞翼皮脆，肉質嫩滑多汁。二人餐竟然有五隻雞翼，好抵食。😋😋 ⦁卡邦尼闊條麵另外仲嗌多個pasta🍝，份量都幾多。食落口充滿香濃芝士，闊條麵煙靭彈牙，煙肉🥓是厚身煙肉，香味特別濃郁，仲有陣陣鹹香味。