全記小店

营业中

休息中

见枱枱等成半个钟都未有野食，我又好鬼赶时间㖞，阿姐话食套餐啦 ﹗唔改太阳蛋、唔改出前一丁，就唔洗等即刻有！真系两分钟唔洗即到，但从来未食过咁难食架 ﹗上年 10 月到依家都无黎过，今年第 1 次船河就比个咁劣既早餐过我食，搞错呀 ﹗炒蛋沙嗲牛肉面，您睇吓啲面系白雪雪架，食落似滚水浸出黎既白纸条，完全无味架！牛肉劲韧、汁又浆实晒 ﹗汤唔热、面同牛肉都唔热，炒蛋直头系冻添！我唯有劲捞辣椒油，格硬倒晒落肚算喇 ﹗点知食晒无耐，见到隔离有热辣辣出前一丁食呢！