影片
更多
2021-02-28
569 浏览
其实都讲咗唔止一次，我尽量都唔会帮衬楼下，一间就超级污糟啲枱枱櫈櫈烂晒都唔会换，另一间（即系呢间）做来做去都冇心做。系老人家嘅情意结，朝朝都要落去打下趸，再加上老人家行动唔方便，就脚更加成为佢哋师奶嘅聚脚地。避得过都宁愿自己出去远啲食，但系日日走咗出去唔理佢都唔系办法，日日问我食唔食早餐佢买埋比我，次次say no真系有啲过意唔去，一次半次都总要食。今日又食返我嘅例牌鱼柳餐，讲咗唔使要沙律酱一万次，每一次都仍然当耳边风，其实买到熟晒都应该知啦，有咁难理解咩？另外系佢嘅鱼柳越嚟越细块，我钟意食嘅原因系爱佢用上同麦当当同款四方形果种，虽然都明知系雪藏，但比起出边成块鱼形炸到好硬𠮶啲，我又反而麻麻！鱼柳越嚟越细块，价钱就越嚟越贵☹️啲侍应全部师奶做咗10几年都错漏百出，似熟卖熟新年𠮶阵问你攞利是🧧就叻
系老人家嘅情意结，朝朝都要落去打下趸，
再加上老人家行动唔方便，就脚更加成为佢哋师奶嘅聚脚地。
避得过都宁愿自己出去远啲食，但系日日走咗出去唔理佢都唔系办法，日日问我食唔食早餐佢买埋比我，次次say no真系有啲过意唔去，一次半次都总要食。
今日又食返我嘅例牌鱼柳餐，讲咗唔使要沙律酱一万次，每一次都仍然当耳边风，其实买到熟晒都应该知啦，有咁难理解咩？另外系佢嘅鱼柳越嚟越细块，我钟意食嘅原因系爱佢用上同麦当当同款四方形果种，虽然都明知系雪藏，但比起出边成块鱼形炸到好硬𠮶啲，我又反而麻麻！
鱼柳越嚟越细块，价钱就越嚟越贵☹️
啲侍应全部师奶做咗10几年都错漏百出，似熟卖熟新年𠮶阵问你攞利是🧧就叻
鱼柳餐
29 浏览
0 赞好
0 留言
张贴
