一心素食 (已結業)

前个排同婆婆一齐食左间质素几好嘅素食餐厅，由牛头角地铁站行去大约5-10分钟，餐厅占左2楼全层，非常大，食紧个时都不断有客人入泥，都断受欢迎，位于大门旁仲有售卖餐厅嘅素食同生活用品。呢个系套餐嘅餐牌，我地叫左4人套餐，选择真系太多样样都想试下，套餐包餐饮同甜品。姫松茸豆腐汤翅味道似酸辣汤，但完全唔辣，鱼翅整到好似真咁，味道浓郁，份量多，每人饮完一碗之后仲有净。一心炒饭炒饭干身，一粒粒金黄色有咬口，不过因为素食无肉味，略微有啲淡，只系得蛋味。汤饺 8只虽然得8粒，但每粒都大大粒，有口感，汤饺嘅馅做到好似肉咁。一心pizza从未系素食舖见过有pizza食，所以特登叫泥试下，薄饼底煎得好香脆，加左好多芝士系面，虽然无肉，但落左好多提子干，味道甜甜地，又配撘得几好。咖喱鲜蔬素肉腩咖哩味道浓郁，送饭一流。石锅杂菌茄子猴头茹石锅好保暖，杂菌同茄子都煮到好淋，味道偏浓，又系好送饭，肉碎像真度极高。枝竹豆腐素火腩煲火腩系面筋做嘅，成个煲嘅材料都炆到好入味，又够保温，放得耐都系暖嘅。东坡肉系外表上已经赢左，完全做到东坡肉三层肉嘅感觉，不过始终因为系胶质会比较硬。甜品有红豆沙同糯米兹。四人晚餐套餐加一后都