影片
更多
2022-12-14
139 浏览
首先，我同朋友庆祝生日，book咗6点准时入座，带咗蛋糕亦都有同佢哋讲个蛋糕会喺度食嘅，但成餐饭除咗啲嘢唔系咁好食之外最嬲就系佢不停比压力我哋要我哋准时八点交枱，但重点系全餐饭除咗我哋一台五个人只有另外一台两个女仔，间餐厅根本就冇其他人客。好，讲返嘢食先，忌廉蘑菇汤味道正常但唔够热，当我地饮完个汤佢先攞面包俾我地，其实有啲怀疑佢送汤嘅时候唔记得咗攞面包俾我哋，不过佢就补飞讲啲面包系俾我哋用黎点其他野食啲汁黎食？！带子酥一般般，个汁好咸，我觉点冇可能攞嚟点面包，所以我就问个侍应有冇橄榄油同醋，佢竟然答我个面包里面已经有橄榄油成份所以冇橄榄油提供🤷🏻♀️慢煮鲍鱼啲汁真系唔好食好苦好咸，所以无点汁同烚鲍鱼无分别👎🏻猪鞍/鹅肝牛柳都系冻嘅，猪鞍好似冇乜调味，虽然慢煮啲肉质几好，但系我觉得慢煮完都可以煎一煎香啲好食啲，而且唔会冻冰冰😮💨意大利饭都系偏咸而且唔热只系暖暖哋，因为open kitchen好清晰见到个厨房已经有三个人，唔明点解啱啱煮起都系冻，我估佢地无张啲碟预热，所以天气冻嘅时候啲嘢食一摆落只碟度都冻哂，只能说唔够专业。甜品鹅肝雪糕最大镬🤮，食落去粉粉地一粒粒，完全形容唔到系咩味道，
好，讲返嘢食先，忌廉蘑菇汤味道正常但唔够热，当我地饮完个汤佢先攞面包俾我地，其实有啲怀疑佢送汤嘅时候唔记得咗攞面包俾我哋，不过佢就补飞讲啲面包系俾我哋用黎点其他野食啲汁黎食？！
带子酥一般般，个汁好咸，我觉点冇可能攞嚟点面包，所以我就问个侍应有冇橄榄油同醋，佢竟然答我个面包里面已经有橄榄油成份所以冇橄榄油提供🤷🏻♀️
慢煮鲍鱼啲汁真系唔好食好苦好咸，所以无点汁同烚鲍鱼无分别👎🏻
猪鞍/鹅肝牛柳都系冻嘅，猪鞍好似冇乜调味，虽然慢煮啲肉质几好，但系我觉得慢煮完都可以煎一煎香啲好食啲，而且唔会冻冰冰😮💨
意大利饭都系偏咸而且唔热只系暖暖哋，因为open kitchen好清晰见到个厨房已经有三个人，唔明点解啱啱煮起都系冻，我估佢地无张啲碟预热，所以天气冻嘅时候啲嘢食一摆落只碟度都冻哂，只能说唔够专业。
甜品鹅肝雪糕最大镬🤮，食落去粉粉地一粒粒，完全形容唔到系咩味道，全部人试咗少少就已经冇食，其中一份系完全冇食过直接叫佢攞走，正常一间法国餐最少都会问你啲嘢啱唔啱食，而一间好既
餐厅，见人客啲嘢食唔晒都会问下原因，唔会见到人客一放低唔食，就问都唔问就9秒9即刻收走然后上蛋糕，仲要即刻攞张单嚟叫你埋单俾钱，当时我哋准备影相佢不停催我哋俾咗钱先, 我朋友就攞咗张AE卡出嚟,点知佢见到张卡即刻反眼🙄话：「我哋唔收AE卡」，之后我哋另外一位朋友俾钱，我feel到佢不停吹我哋当时系啱啱好八点，但系成间餐厅除咗我哋同另外一台两个女仔之外都冇其他人客入嚟，吹到我哋连生日歌都无唱就直接切蛋糕，点知切完蛋糕佢竟然问我要唔要分，喺唔喺度食？
我话要，佢竟然「下」左一声，我当时都O咗嘴，我心谂食个蛋糕要你几耐时间，而且张单已经出咗你系收咗切饼费$150，我真系未遇过啲咁差嘅服务，我真系冇谂过食6个course嘅法国菜只系预两个钟俾人客，迟1分钟都要黑面反眼不停催，人哋影紧相都不停吹攞信用卡俾钱，最后我哋极速食完蛋糕8:08准备走，餐厅当时仍然冇其他客入嚟，大家就谂住去完厕所就走啦，不过佢呢度得一个女厕，所以我哋五个女仔每人轮流去，去到第二个人个侍应开始又喺度反眼，喺度俾说话我哋听，所以我哋全部人就去咗门口外边，然后逐个逐个去厕所，外边又落雨天气仲要好冻，仲要有啲朋友冇带遮，点解我地要咁可怜喺条街度等，其实舖头一路都冇其他客入去，我真系唔明点解佢哋要做到咁乞人憎，我哋一路喺出边等call车等到大概8:16我见另外一台女仔都走咗出嚟然后都喺度口噏噏系咁闹话佢哋：「明明无客点解系咁吹…」我都觉得佢哋好惨因为佢哋好似系迟到可能原本book咗六点但系佢哋迟咗七点先到但系用一个钟头时间食咗五个course，我当然明白餐厅要分时段先可以有钱赚，但有时系厨师上菜上慢咗点解要人客食到咁赶呢？而且下个时段都无客点解要不停吹不停吹呢，咁嘅服务咁嘅食物水准唔使钱下次都唔会黎，虽然话法国菜来讲$1000人头算平，但如果食到咁嘅服务我宁愿$1000去食其他嘢好过
时间
5:53入座（准时）
6:15忌廉蘑菇汤
6:26带子酥
6:39慢煮鲍鱼
6:56猪鞍/鹅肝配牛柳 （我地一早食完，但佢地唔知点解迟迟都未有个饭）
7:36 意大利饭（好明显迟咗，用了40分钟）
7:52 鹅肝雪糕
7:57 上蛋糕
张贴