i CREMERiA (已結業)

一直都好想试呢间既雪糕，但系始终太贵我唔舍得食，见佢限时三日做买一送一，咁岩出开尖沙咀海运大厦，就梗系要黎朝圣试下佢啦，买完就即使影相打个靓卡，个杯好靓，连匙羹都好靓，不过店员服务态度唔太好。九点半关门，九点廿五到，职员话得返基本款可以叫，食唔到白玉果啲有啲失望，点知最令我失望既系雪糕。牛乳味果部份，甜到皱眉，有种死甜既味道，好失望。谂住抹茶应该会好少少啦？见到抹茶粉既颗粉系入面，充满期待，点知又系劲甜，得丁丁丁丁丁点既抹茶味。真系好好彩有买一送一咋。喉咙好辛苦无食晒就掉左，然后要马上饮无糖茶中和，真系无下次，真系好唔得。