影片
更多
2010-01-17
13 浏览
OT到9点几，又冻又饿，因为就脚，于是到isquare医肚。见Pho24已开业，急不及待入去叹番碗越南牛河暖暧胃，点知，劲失望…Order左杂锦牛河(我想应该同火车头差不多吧)，一上台就知唔对路，汤色深黑，芽菜&金不换(九层塔)已经放左落碗汤河里面，只有青柠辣椒另上。金不换只得一两片，少得可怜…喝一口汤，竟然同我屋企楼下间鱼蛋粉有D似，完全唔觉有牛味，我未去过越南间Pho24，唔知正宗牛河系咪咁味道？？如果呢D先系正宗，我谂我会钟意食香港既越南河多D啰…讲番碗粉，河粉尚算幼滑(但系呢样野同厨师技术无关)，牛肚无味兼且硬，牛筋亦一样，牛丸直情系街市货色，比一般港式粉面店还要差，生牛肉一般，冇咩特别，最好反而系牛腩，可惜太肥，有几块牛腩直情系100%肥膏，点食？最后可以入口既牛腩加埋只得一块…侍应态度差，食食下有个侍应无端端递张单过黎叫你埋单，我以为佢搞错叫佢check下，点知佢反问我:同事冇同你讲已经last call同埋叫你埋左张单先咩？我答冇，佢仲要撑话同事已经讲左(语带不耐烦)…其实你想我埋单冇所谓，但可唔可以有礼貌D呢？总言之，呢间野完全系我意料之外…咁差！
Order左杂锦牛河(我想应该同火车头差不多吧)，一上台就知唔对路，汤色深黑，芽菜&金不换(九层塔)已经放左落碗汤河里面，只有青柠辣椒另上。金不换只得一两片，少得可怜…
喝一口汤，竟然同我屋企楼下间鱼蛋粉有D似，完全唔觉有牛味，我未去过越南间Pho24，唔知正宗牛河系咪咁味道？？如果呢D先系正宗，我谂我会钟意食香港既越南河多D啰…讲番碗粉，河粉尚算幼滑(但系呢样野同厨师技术无关)，牛肚无味兼且硬，牛筋亦一样，牛丸直情系街市货色，比一般港式粉面店还要差，生牛肉一般，冇咩特别，最好反而系牛腩，可惜太肥，有几块牛腩直情系100%肥膏，点食？最后可以入口既牛腩加埋只得一块…
侍应态度差，食食下有个侍应无端端递张单过黎叫你埋单，我以为佢搞错叫佢check下，点知佢反问我:同事冇同你讲已经last call同埋叫你埋左张单先咩？我答冇，佢仲要撑话同事已经讲左(语带不耐烦)…其实你想我埋单冇所谓，但可唔可以有礼貌D呢？
总言之，呢间野完全系我意料之外…咁差！
张贴