越男仔 (已結業)

我系10月食铜锣湾果间越男仔之前，其实我系未食过旺角果间既越男仔的。果时食完铜锣湾果间越男仔，经验唔系甘好，但果时无谂住写食评。但系12月食完旺角果间越男仔，发觉2间分店既质素实在有点距离，所以先决定就算隔左2个月都要写番呢篇食评。当日我系夜晚7点左右去。我叫左个招牌越式火车头汤河。第一，D牛丸未熟晒，好似未完全解冻甘。D牛柏叶就痴埋成旧甘，都唔系一块块，食到最尾都系仲系成旧甘。最大问题系个河粉。D河粉又系痴埋成旧甘。好似好求其倒晒落个碗度就拎俾个客人食甘。我同女朋友食完，2个都话唔掂。12月去旺角果间，我一样系叫番同一款越式火车头汤河。牛丸系熟透既，牛柏叶ok，河粉唔系林既，亦唔系成旧甘。2间分店质素真系相隔太远了。