影片
更多
2013-12-07
3531 浏览
一早预约左同埋order左菜式八𩠌一汤，全部一般住家菜，以蒸为主，但店家居然煮得一D水准都无，好失望! 我们11个人，八𩠌一汤如下, 盛惠$2,7951. 松茸云腿炖鸡 - 完全无松茸同云腿既味道，用竹丝鸡，唔够甜，清到唔清2. 冰镇猪手 - 味道还可以，正常3. 黑木耳秀珍菇 - 酸酸地，味道系几特别，但份量就好少，一人得一箸，素菜唔系好贵咋4. 陈皮蒸鲍鱼仔 - 好易既一味𩠌，主要视乎食材是否新鲜，但都系一般，食唔到好鲜甜味道5. 蒜茸粉丝蒸圣子皇- 又系简单蒸𩠌，粉丝唔"腍"无汁，硬到打团，蒜茸唔够，好彩圣子鲜甜搭够6. 花雕旦白蒸花蟹 - 酒味系够浓但带涩味，旦蒸到老晒，得两只蟹11个人分，呢到系工厦㖞，无装修无环境，咁既份量同价钱，好难俾你"抵食"咯7. 生炒糯米饭 - 唔熟，煮之前无浸够时间，我朋友讲笑话: 硬过我条命! 最攞命是我地同店家讲唔熟，佢竟然将剩低既半碟攞入厨房炒炒又攞出来，我地拒绝接受，最后呢碟退$1048. 瑶柱金菇扒菜心 - 正常味道 (要整到难食应该都唔易)9. 啫啫芥兰煲 - D 芥兰又老又苦，我朋友再次发挥佢一贯既幽默: 苦过我条命! 连我地班最唔中
我们11个人，八𩠌一汤如下, 盛惠$2,795
1. 松茸云腿炖鸡 - 完全无松茸同云腿既味道，用竹丝鸡，唔够甜，清到唔清
2. 冰镇猪手 - 味道还可以，正常
3. 黑木耳秀珍菇 - 酸酸地，味道系几特别，但份量就好少，一人得一箸，素菜唔系好贵咋
4. 陈皮蒸鲍鱼仔 - 好易既一味𩠌，主要视乎食材是否新鲜，但都系一般，食唔到好鲜甜味道
5. 蒜茸粉丝蒸圣子皇- 又系简单蒸𩠌，粉丝唔"腍"无汁，硬到打团，蒜茸唔够，好彩圣子鲜甜搭够
6. 花雕旦白蒸花蟹 - 酒味系够浓但带涩味，旦蒸到老晒，得两只蟹11个人分，呢到系工厦㖞，无装修无环境，咁既份量同价钱，好难俾你"抵食"咯
7. 生炒糯米饭 - 唔熟，煮之前无浸够时间，我朋友讲笑话: 硬过我条命! 最攞命是我地同店家讲唔熟，佢竟然将剩低既半碟攞入厨房炒炒又攞出来，我地拒绝接受，最后呢碟退$104
8. 瑶柱金菇扒菜心 - 正常味道 (要整到难食应该都唔易)
9. 啫啫芥兰煲 - D 芥兰又老又苦，我朋友再次发挥佢一贯既幽默: 苦过我条命! 连我地班最唔中意浪费食物既人都食唔晒，前提仲要系我地全部人来到最后一味𩠌都一D都唔饱!
家常菜都可以煮到咁，仲要一早order定，大把时间准备，扣左个糯米饭$，人均$240，但连我个女仔朋友都话:好似无食过野落肚咁。
被食评呃左，永无回头 !
张贴