千之壽 (已結業)

今日同朋友到元朗食日本野，于是乎去左呢间度等位，因为之前朋友都讲过话唔错，我地一行五人，等左半个钟多都未有位，不过可以接受，因为真系人多，而间野地方又唔大，等得耐系正常。之不过，终于等到我地既时候，我刚刚有朋友行开左去附近，要两分钟先行到番黎，但佢竟然问完我地要等几耐之后，即刻叫左两pair两位入去，即刻有少少庆﹗都算喇，之后佢再问我地齐人未，我朋友已经就快到，我地话好快就到，点知佢话已经等左两分钟喇，我真系无名火起，呢d咩野侍应呀，咁样既服务态度都可以重有得捞既，佢唔讲个句我都无咁火滚，佢真系以为全元朗得佢地一间日本料理咁，唔驶谂咁多，即时走人，以后都唔发旨意我会去帮趁，大佬，今时今日食野，除左sale野食之外，服务都非常紧要，如果唔系食左都背脊骨落﹗