影片
更多
2006-08-08
14 浏览
我地一行三人准时于十二点半到,成埸唔大,只有廿零张枱,但系我地到𠮶阵只得小猫几只,偏偏个木无表情既女侍应要我地坐一张折枱,仲要系坐红色𠮶啲胶折櫈;我地即刻问点解唔可以坐其他𠮶啲,佢竟然够胆死好凶咁话𠮶啲系四人枱!!虽则枱面只有三个位,我则刻话我地而家比四个人茶钱,比张四人枱我. 服务态度其差不在话,仲要全场啲侍应都木口木面,晦晦气气咁, 超冇礼貌; 虽然佢地唔系出嚟卖笑,但系唔该做得服务行业,可唔可以比番应有既笑容同礼貌??点心又少选择又细件,仲要收到得死咁贵,基本上冇一样野值得赞:鱼肉烧卖&炸鲮鱼球- 根本就系一旧粉团, 街边十蚊6粒𠮶啲都好食过佢, 一啲鱼味都冇!!系一丁屎都冇. 叉烧肠- 唔好以为皮薄就系好手工,一夹系条短过屋企所有遥控既肠粉,啲料就好似落雪咁跌哂落嚟.咁系好手工咩??? 仲有呀,啲肠粉豉油系咸嫁!!!!扮哂有特色但系一啲都唔夹.春卷- 一支烟都长过佢. 仲要系淋既什菇腐皮卷- 唔知系佢地把较剪唔够利丫定系又玩特色,条条腐皮卷净系剪开一半,夹起上嚟'呢咁hea',啲菇咪又系好似落雪咁跌哂招牌叉烧饱- 不外如是,亦唔见得特别好食,出面大把食肆都有得食,仲冇呢到咀甜添
服务态度其差不在话,仲要全场啲侍应都木口木面,晦晦气气咁, 超冇礼貌; 虽然佢地唔系出嚟卖笑,但系唔该做得服务行业,可唔可以比番应有既笑容同礼貌??
点心又少选择又细件,仲要收到得死咁贵,基本上冇一样野值得赞:
鱼肉烧卖&炸鲮鱼球- 根本就系一旧粉团, 街边十蚊6粒𠮶啲都好食过佢, 一啲鱼味都冇!!系一丁屎都冇.
叉烧肠- 唔好以为皮薄就系好手工,一夹系条短过屋企所有遥控既肠粉,啲料就好似落雪咁跌哂落嚟.咁系好手工咩??? 仲有呀,啲肠粉豉油系咸嫁!!!!扮哂有特色但系一啲都唔夹.
春卷- 一支烟都长过佢. 仲要系淋既
什菇腐皮卷- 唔知系佢地把较剪唔够利丫定系又玩特色,条条腐皮卷净系剪开一半,夹起上嚟'呢咁hea',啲菇咪又系好似落雪咁跌哂
招牌叉烧饱- 不外如是,亦唔见得特别好食,出面大把食肆都有得食,仲冇呢到咀甜添.
蛋挞,马拉糕- 唔够香不过好过其他所有野
好喇,当我地系一点十五分点第二轮食物(只系再叫叉烧饱同蛋挞),谂住带番公司比其他人试下...三十分,叉饱先到;跟住再等,一路等;等到搭八啲蛋挞都未嚟,就叫个部长帮我地跟下啦,佢竟然话个炉蒸紧叉烧饱,蛋挞要一阵先有位入炉....!!!!!唔系下话??成间油楼得一个蒸炉??? 当然我地话取消𠮶阵就话入左炉,三分钟就得.... 佢地既三分钟, 比整杯面既三分钟长好.........多.........
总括而言, 不知所为!!国金轩既价钱,大排档既服务, 豆腐渣既味道. 百人轿抬都唔再去.
张贴