影片
更多
2009-03-16
26 浏览
3月x日(星期五), 几个旧同事好耐无见, 于是相约出黎食饭相聚一吓, 友人见到杂志上系红磡有日式放题, 杂志有上coupon, 每位原价$178, 攞coupon可以用$118就可以享用(但杂志上coupon既条款细则无话几时唔用得, 只话可用到2009年3月31日止), 便提议一试, 点知就出事! 友人之前电话订位, 订咗9位, 友人问有无房间比我地, 店员(女)话尽量安排比我地, 而之前一日, 店舖亦有打黎confirm booking (由订台到confirm都无讲有任何附带条件架). 晚饭当日由于系星期五, 所有无相约一起到达, 总之就先到先等, 可以一路食一路等嘛, 由6点食到9点, 仲谂住可以慢慢食. 大约7点到, 其实我地已经有5个人到达, 而且佢比咗间房我地坐, 我地亦开始叫野食. 到D食物开始到达时, 有个类似经理既物体送食物入黎, 放低时又话 : 一堆刺身, 一堆串烧, 一堆XX咁样, 又讲得大声, (其实系咪想话我地叫咁多野食呢? 而且我觉得佢好唔尊重我地啰!) 所以我地都开始觉得D服务态度嘛嘛地. 又话我地张coupon只可以星期一至星期四用, 不过而家都比我
友人之前电话订位, 订咗9位, 友人问有无房间比我地, 店员(女)话尽量安排比我地, 而之前一日, 店舖亦有打黎confirm booking (由订台到confirm都无讲有任何附带条件架).
晚饭当日由于系星期五, 所有无相约一起到达, 总之就先到先等, 可以一路食一路等嘛, 由6点食到9点, 仲谂住可以慢慢食. 大约7点到, 其实我地已经有5个人到达, 而且佢比咗间房我地坐, 我地亦开始叫野食. 到D食物开始到达时, 有个类似经理既物体送食物入黎, 放低时又话 : 一堆刺身, 一堆串烧, 一堆XX咁样, 又讲得大声, (其实系咪想话我地叫咁多野食呢? 而且我觉得佢好唔尊重我地啰!) 所以我地都开始觉得D服务态度嘛嘛地. 又话我地张coupon只可以星期一至星期四用, 不过而家都比我地用埋佢㖞(真系唔该晒! 但佢张coupon根本无讲星期五唔用得), 第一次货不对办出现……….!
友人问服务员, 系杂志上见到有有烧羊架, 带子刺身等, 点解张点菜纸无既, 服务员话要入咗会先有羊架食㖞 (已经同杂志上既广告有不符既地方), 咁问服务员系点样可以入会, 佢话要填form, 但走时先比张咭你, 咁即系要下次黎先可以有得食羊架 (吓…咁都得, 广告同现实都唔一样, 你认为我地仲会黎多一次咩?! 又一次货不薄办喇!). 仲有, 送黎个d食物, 好似串烧咁, 有叫个d, 唔系黎多, 就系黎少, 就连无叫个D佢都有黎(唔知系咪求其比D野食饱你就算呢?!)
到差不多7点50分, 再有两个友人到达 (但我地到最后因有两位朋友爽约, 所以只有7个人), 所谓既经理就入黎问我地几多位, 话我地系book 9位, 而家得7个人都要收9个人钱, 人数只可以多唔可以少㖞(吓, 你估我地想架, 咁有人甩底无黎, 我都无计架)! 咁我地当然同佢理论啦, 因我地由订位到入到黎坐低食野, 都无人同我地讲会咁样收钱法, 如果系咁, 我都唔敢入黎食啦, 仲唔一早报人数咩, 边有咁蠢架! 个经理走出我地房门时, 仲大声话 : 又系呢d野! (咁即系佢地唔只一次出现呢个问题啦, 应该之前都有过同类case发生过)! 于是订台友人就要求叫店舖负责confirm booking既女子出黎讲清楚, confirm返当时订台时无讲清楚有呢d附带条件. 之后有一女子(疑似老板娘既物体)黎到我地房门口, 同我地讲话当时有讲过此附带条件, 而且杂志亦有讲明, 但我地真系无听过, 而且杂志上亦无写明有咁既条款细则. 个女人话我地同佢”口同鼻拗”㖞, 讲多两句后仲叫我地走…..哗, 我咁大个人, 第一次食野食到比人赶走咋, 条气真系好唔顺呀, 于是我地一行7人咪走啰(当时大约8点到), 个经理叫我地埋单, 要收我地9个人钱, 我地当然唔比啦, 一来我地只有唔个5食过野, 有两个刚到达, 只在写紧点菜纸, 野都未食过, 而且我地实际只系共7个人, 点解我地要比9个人钱, 于是我地在房门口理论起黎, 我地亦都提议报警(因为实在太离谱啦, 唔好以为我地几个女人仔就会怕你大声夹恶先得架!) 最后警察亦都黎到, 我地亦都好识趣咁出咗大门口与警察落口供(如果我地有心食野唔比钱, 又或者系玩野, 我地可以系店内大大声, 比其他客人都知到件事, 我地都唔想搔扰到其他人, 而且当日又刚刚有寒流, 气温得13度, 我地个个系门口吹风咋)!
同警察落完口供, 警察都有提议我地和解, 但店舖方面唔妥协, 扰攘咗成个几钟, 要我地比9位价钱, 咁我地当然唔比啦, 乜野道理, 7个人食, 要比9个人钱?!(一头雾水, 入咗黑店呀!)
最后, 我地都无比钱, 因为间店舖话要抄低我地7个资料, 要民事起诉我地㖞! 最初我地都唔想比我地个人资料架, 但警方话个间店舖如果要起诉我地, 就要我地比资料佢, 个经理仲大大声话佢收工12点, 即系大把时间同我地慢慢磨㖞!(乜人黎架, 咁无品架!) 我地无野怕, 只怕佢攞晒我地d个人资料, 唔知做d乜野0者! 我地问警察, 如果佢攞我地资料后, 我地又受到搔扰, 咁我地点算? 警方话我地可以报警求助㖞…..!!!
终于我地扰攘到10点(可怜有两个从未食过野既朋友, 又冻又饿, 挨咗一晚), 之后我地去咗附近既粉面舖, 食咗碗鱼蛋粉就走啦! 好地地一餐晚饭, 比人如此对待, 仲要搅到报警收场, 真系唔底! 呢间店舖, 我地亦都black list咗, 一定唔会再黎, 根本杂志内既广告同现实不符, 根本两回事, 有欺骗客人招生意既成份啰! 所以大家去食野, 真系要小心此类似广告欺骗!
张贴
