嘉年華海鮮酒家 (已結業)

间野装修左劲耐，开左一段时间，我都系刚刚上个星期先第一次去果度饮茶，的而且确比之前红宝石多左野食，不过可惜味道唔系太好，仲谂住始终都系集团经营应该会好d，点先都系冇用，呢次去食左佢个乳鸰，系就系好抵食，16.8一只不过得个咸字唔好食，仲有个墨鱼烧卖以为有d新意，点先原来就系一粒墨丸加片蜡肠蒸，完全冇味，仲衰过去南记食墨丸，除左呢d都只系食左d一般o既野，不过都系冇特别可言，除左食物外，d服务又系唔得，我去果时系星期二下昼12点左右，一入大堂就有个支客攞位，我地6个人，佢叫我地坐房，点知上到去佢系比左张四方形桌，不过有一边系贴墙，上到去个侍应都话坐唔到6个，仲话坐果度唔系净系食点心，最小要叫一个小菜，其实要食小菜唔系问题，不过系个支客乜都唔问清楚又唔讲清楚，结果我男朋友再走落去同佢讲，要佢比过第二张桌我地，我觉得一个集团式经营o既都做到咁唔系好得啰，我地等果时都听到有其他人都有咁o既case，好老实香港仔主要都系做街坊生意，如果佢咁做落去我相信有集团撑都冇用，迟早都系冇人帮衬，d人情愿继续去其他果几间细酒楼迫，又唔洗比咁多钱但质素仲差过其他平d果几间。呢间野唔会有下次啰，都系去番新宝好过